TUINROETE NUUS - Die tweede dubbelkampby-eenkoms van die seisoen het Sondag 4 Mei, suksesvol in Groot-Brakrivier plaasgevind.

Die volgende byeenkoms vind op Saterdag 24 Mei, in Hoekwil plaas. 

Hierdie byeenkoms dien terselfdertyd as die Eden-kampioenskappe en sal op 'n splinternuwe roete gehou word. 

Eden-driekamp nooi alle atlete en belangstellendes uit om deel te neem aan hierdie opwindende geleentheid.

Eden het ook vanjaar die besondere voorreg om die SA-driekampkampioenskappe aan te bied. Dié nasionale byeenkoms sal op 12 Julie in Hoekwil plaasvind.

Eden-driekamp mik daarna om 'n sterk span op die been te bring wat die streek met trots kan verteenwoordig.

Vir meer inligting en opdaterings, besoek gerus Eden-driekamp se webblad en volg hulle op Instagram.

Melissa Meyer, Karli Lötter en Annabelle McEwan trap vroeg-vroeg na die wenstreep.

‘Ons bring jou die nuutste Tuinroete, Hessequa, Karoo nuus’