Nuwe Kwagga-atlete kan maai onder rekords

GEORGE NUUS - Daar heers groot afwagting vir die Hoërskool Outeniqua se jaarlikse kleure-atletiekbyeenkoms wat eerskomende Woensdag plaasvind.

Dis veral die vertoning van die jong Turke wat fyn dopgehou gaan word.

Verlede seisoen het die nuwe leerders 'n groot bydrae gelewer tot die 14 rekords wat gedurende dié dag verbeter is (drie meer as in 2014).

Die rekords wat gespat het is:

Dogters o.14: Lisha Collins 800 m (02:33.88).
Seuns o.14: Stefan van Wyk hamergooi (33,37 m) en 400 m (56:03). Adrian Dirks diskus (47,15 m) en Marno April verspring (6,02 m).
Dogters o.15: Meike Strydom hamergooi (33,37 m), diskus (35,28 m) en gewigstoot (14,73 m). Micha White driesprong (8,94 m).
Dogters o.17: Minneke van der Merwe 100 m-hekkies (14,69), Andreé Roux 400 m (1:00.88).
Dogters o.19: Jo-Ané van Dyk spiesgooi (46,43 m), Nissi Jansen 200 m (27:41). Seuns o.19: Arno Blaauw hoogspring (1,90 m).

Die beste individuele prestasie van die dag was Meike Strydom. Sy het 940 punte behaal met haar gewigstootrekord.

Die bekerwenners was:

Junior victrix lodorum: Meike Strydom. Junior victor lodorum: Marno April,

Senior victrix lodorum: Andreé Roux. Senior victor lodorum: Louis Meiring.

Die blou-, geel-, rooi- en groenspanne gaan mekaar die stryd aansê om te bepaal watter span die meeste punte kan behaal en oor die beste gees beskik. Verlede jaar het die blouspan die meeste punte behaal en die geelspan het met die louere weggestap as die span wat die beste gees gehad het.

Die Kwaggas se program vir die seisoen is:

29 Januarie: Hoër Jongenskool-uitnodigingsbyeenkoms (slegs top 35-40 leerders) in Paarl.
8 Februarie: Interskole/Hartloopbyeenkoms (slegs hamergooi) Outeniqua.
10 Februaire: Interskole/Hartloopbyeenkoms (Oudtshoorn).
19-20 Februarie: George-streek byeenkoms (Outeniqua).
5 Maart: ASWD-streekbyeenkoms (Oudtshoorn).
11-12 Maart: Wes-Kaaplandse byeenkoms (Stellenbosch).
16-19 Maart: SA skole (Bloemfontein).
31 Maart -2 April: SA Jeug/Juniors (Germiston).
15-16 April: SA senior en gekombineerde spele (Stellenbosch).
6-7 Mei: SA seniors (Bloemfontein).
1 Oktober: Punt Top10-byeenkoms (Mosselbaai).
15 Oktober: Grey Bloemfontein-uitnodigingsbyeenkoms (Bloemfontein).
15 Oktober: Bredasdorp Top10-byeenkoms (Bredasdorp).
21 Oktober: Paul Roos-uitnodigingsbyeenkoms (Stellenbosch).
29 Oktober: Mooreesburg Top 10 (Mooreesburg).