SUID-KAAP NUUS - Die afgelope naweek se Highgate Groter Oudtshoorn interprovinsiale tweekampbyeenkoms, wat by die De Jager-sportterrein en die NA Smit-swembad plaasgevind het, word deur sportlui as die béste tweekampbyeenkoms nóg beskryf.
Die byeenkoms het Saterdag 4 Februarie plaasgevind.
Dave van der Walt, voorsitter van SWD-twee-kamp word uit verskeie oorde geloof vir die leiding wat hy geneem het om die 26ste twee-kampbyeenkoms van sy soort op Oudtshoorn aan te bied.
Onder die leiers wat met lof van Van der Walt praat, is die Wes-Kaapse minister van kultuursake en sport, Anroux Marais, Oudtshoorn se uitvoerende burgemeester, Colyn Sylvester en die SA voorsitter van tweekamp, Blackie Swart.
Sylvester het met die openingseremonie gesê: "Oudtshoorn moet die voorkeurbestemming vir nasionale en internasionale sportgeleenthede wees. Ons as munisipaliteit sal voortbou op samewerking met leiers en administrateurs in alle SWD-sportkodes."
Hy het Van der Walt en SWD-tweekamp vanaf die verhoog geloof en gesê: "Ons sien uit na 'n lang samewerkingsooreenkoms met SWD-tweekamp."
Swart het op sy beurt gesê: Dave van der Walt is nie net in SWD-kringe bekend vir sy suksesverhaal ten opsigte van tweekamp administrasie nie, maar regoor die hele Suid-Afrika."
R4 275 500 (teen aanvaarde R850/persoon/nag) in die plaaslike ekonomie ingepomp.
Tydens die prysuitdelingsfunksie by Highgate-volstruisplaas, wat deur meer as 480 mense bygewoon is, het die eregas, minister Roux in haar toespraak die belangrikheid van talent-identifikasie op vroeë ouderdom beklemtoon.
Sy het ook klem gelê op die belangrikheid van 'n gesinsport soos tweekamp vir gesonde ontwikkeling en leefstyl.
SWD se atlete het 14 medaljes ingeoes (7 goud, 3 silwer en 4 brons). Daarbenewens het SWD ook twee van die toptoekennings, die ju-nior victor ludorum (Gustav Schlechter, Outeniqua) en die senior victor ludorum (Johan Windt, Mosselbaai) ingepalm.
SWD het ook vier vierde plekke en vier vyfde plekke behaal en die algehele derde plek in die spankompetisie behaal, WP was die wenner met Boland in die tweede plek, SWD derde gevolg deur OP, Grens, Griekwas en Vrystaat.
In die skolekompetisie het Hoërskool Outeniqua SWD se naam hoog gehou met n derde plek.
- Seuns o.8: Ruben Gouws - silwer (2 125 punte).
- Dogters o.11: Tammy Greenwood - goud (2 344 punte - nuwe SA rekord) en Jada Coetzee - brons (2 291 punte).
- Meesters mans: Johan Windt - goud (2 430 - senior victor ludorum).
- Meesters dames: Edie Lutch - silwer (1 941 punte).
- Seuns o.15: Gustav Schlechter - goud (2 430 punte - junior victor ludorum).
- Veterane mans: Chris van Wyk - goud (2 321 punte).
- Veterane dames: Tanya Livingston - brons (2 226 punte).
- Junior veterane: Juan Pretorius - goud (2 292 - 'n nuwe SA rekord) en Walter Lutch - brons (2 236 punte).
- Dogters o.17: Lara Schlecther - brons (2 293 punte).
- Dogters o.19: Yvonne du Plessis - goud (2 324 punte).
- Dogters o.19: Bianca le Grange - silwer (2 293 punte).
- Seuns o.19: Russel Pratt - goud (2 166
- punte).
'Ons bring jou die nuutste Klein Karoo, Tuinroete, Hessequa nuus'
