HARTENBOS NUUS - Die 9-jarige dogtertjie wat op 14 Oktober saam met haar pa uit Hartenbos verdwyn het, is met haar ma herenig.
Die Suid-Afrikaanse Polisiediens het die moeder en dogter, Phia-Mari Maré en Yaleen, se hereniging aan Mossel Bay Advertiser bevestig.
Namibia Investigation Services, ‘n Namibies-gebaseerde en geregistreerde privaatmaatskappy wat siviele aangeleenthede en kriminele sake ondersoek, het dit ook op hul Facebook-blad bekendgemaak.
Volgens die maatskappy het ma en dogter in Opuwo, Kunene in Namibië bymekaargekom.
Yaleen se pa, Jacob woon in Namibië en het haar daarheen geneem ná hy haar by haar skool op Hartenbos gaan oplaai het. Haar ma het nie geweet hy laai haar op nie.
‘n Hooggeregshofbevel is op Maré bedien om Yaleen aan haar ma terug te besorg.
Jacob en Phia-Mari het ongeveer twee jaar gelede van mekaar geskei. Phia-Mari het haarself ongeveer ‘n jaar gelede met Yaleen en haar twee jonger boeties op Mosselbaai gevestig.
‘Ons bring jou die nuutste Tuinroete, Hessequa, Karoo nuus’
