GROOT-BRAKRIVIER NUUS - Groot-Brakrivier polisie was vandag op 'n toneel in Glentana waar 'n vrou na bewering deur 'n inbreker in haar huis gewurg is.
Die slagoffer is na bewering deur die verdagte gewurg waarna hy die bosse ingevlug het.
Die verdagte het glo weggehardloop toe die slagoffer se man by die huis aankom.
'n Man is intussen deur die polisie aangekeer maar dit kon nog nie bevestig word of hy met die voorval verbind word nie.
Die slagoffer het nie verdere beserings opgedoen nie.
Inligting verskaf deur ons susterskoerant, Mossel Bay Advertiser.
'Ons bring jou die nuutste Groot-Brakrivier, Tuinroete nuus'
