GROOT-BRAKRIVIER NUUS - Bykans 'n maand nadat die lyk van Lesley-Ann Maya (17) van Power Town, Klein-Brak-rivier gevind is, is die polisie steeds na haar moordenaar op soek.
Volgens kapt. Bernadine Steyn, die Suid-Kaapse polisiewoordvoerder, is verskeie leidrade tydens die ondersoek opgevolg en word dit steeds nagegaan. "Niemand is nog in verband met die voorval in hegtenis geneem nie en die ondersoek duur voort," het Steyn gesê.
Maya, 'n leerder van Groot-Brakrivier Sekondêr wat op Vrydag 10 April laas lewend gesien is, se liggaam is op Saterdag 18 April omstreeks 17:00 deur 'n familielid en 'n vriend wat aan haar gaan soek het, in die bosse tussen Power Town en die rivier ontdek. Maya is na bewering met 'n tou om haar nek onder 'n mat, blare en takkies gevind.
Enigeen wat die polisie met hul ondersoek kan help, word versoek om die ondersoekbeampte adjudant-offisier Paul Scheepers by 044 620 8302 te kontak.
Klik hier vir vorige artikels:
ARTIKEL: HENRICA VELDMAN, GEORGE HERALD JOERNALIS.
'Ons bring jou die nuutste Groot-Brakrivier, Tuinroete nuus'
