GEORGE NUUS - Gerhard Haupt, projekbestuurder van die nuwe Heatherlands Hoërskool, sê die tyd vir reëlings vir die nuwe Heatherlands Hoërskool is nou.
Die Wes-Kaapse departement van onderwys (WKOD) het reeds kennis gegee dat die skool in 2016 met sewe opvoeders begin (1 x skoolhoof, 1 x departementshoof en 5 x posvlak een opvoeders).
Heatherlands Hoërskool sal in 2016 begin met slegs gr. 8-leerders. Voorsiening word gemaak vir 120 leerders. Alle voornemende gr. 8-leerders (leerders wat tans in gr.7 is) het tyd tot einde Augustus 2015 om in te skryf vir 2016.
Inskrywingsvorms is by laerskole beskikbaar asook by Die Bult-skool se ontvangs. Haupt versoek alle inwoners in die onmiddellike omgewing rondom die skool, asook voornemende ouers om 'n openbare vergadering vanaand (Donderdag 23 Julie) om 19:00 in Die Bult se skoolsaal by te woon.
'n Tweede vergadering is gereël vir Dinsdag 4 Augustus in die Blanco-gemeenskapsaal, ook om 19:00.
Dit is hoofsaaklik gemik op die ouers uit landelike gemeenskappe (Harold, Waboomskraal, Geelhoutboom) en Blanco.
Vir meer inligting, kontak Gerhard Haupt by Die Bult-skool by 044 801 7600/30.
Lees vorige artikels hier:
- Heatherlands High up and running in 2016
- Update: Heatherlands High opens in 2016
- Uncertainty about high school for Heatherlands
ARTIKEL: MYRON RABINOWITZ, GEORGE HERALD - JOERNALIS.
'Ons bring jou die nuutste George, Tuinroete nuus'
