GEORGE NUUS - 'n Inligtingsessie om die eienaars van huiswinkels in Blanco oor die nuwe reëls en regulasies in te lig sal binnekort plaasvind.
'n Datum vir hierdie geleentheid sal volgende Maandag tydens 'n wykskomiteevergadering gekies word, het Melvin Nike, die voorsitter van die komitee, gesê.

Dit volg op 'n voorval twee weke gelede waartydens inwoners van Golden Valley in Blanco gewelddadig betoog het, nadat Dawid Balie se huiswinkel, Balie's Shop, deur die balju gesluit is.

Die betoging, asook die wyer sosiale impak op die gemeenskap, is onder meer bespreek tydens 'n wykskomiteevergadering wat Maandag gehou is.

Volgens Dessie Carolus, eienaar van Raja's, 'n winkel in die residensiële gebied van Golden Valley, het hy sowat R15 000 se skade gely tydens die betoging.

Inwoners het voor sy winkel byeengekom en geëis dat dit gesluit moet word. Die gemeenskap het beweer dat dieselfde reëls en regulasies wat op hulle winkels van toepas-sing is, nie op buitelanders toegepas word nie. Daar was ook sterk gerugte van dwelmhandel wat kwansuis daar sou plaasvind. Die polisie het dit nie bevestig nie.

Raja's was bestuur deur Jahid Ullah en Alom Mohammed, twee buitelanders van Bangladesj.
"Die persepsie bestaan dat daar met dwelms in die winkel gesmous is," het Carolus gesê.
"Dit is nie noodwendig waar nie, maar ek vrees vir my winkel se reputasie, en vir die buitelanders se lewens."

"Ofskoon ek 'n verlies gely het is dit niks teenoor mense verlies wat dalk kan plaasvind nie. Dit is beter vir hulle as hulle nie in Blanco woon of besigheid doen nie."

Ullah en Mohammed het die George He-rald besoek nadat hulle huurkontrak deur Carolus beëindig is. 'n Emosionele Mohammed het laat blyk dat hy 'n ander buitelander nog afbetaal aan winkelinhoud van sowat
R500 000, en nou geen inkomste het nie.

"Ek wil nie moeilikheid maak nie, ek wil niemand se besigheid laat skade ly nie," het hy gesê.
"Ons het nog nooit dwelms verkoop nie. Ons sal eerder Suid-Afrika verlaat as om met sulke dinge deurmekaar te raak."

Dawid Balie het bevestig dat Mohammed hom na die bohaai kom sien het.
"Ek het nie 'n probleem met hulle nie," het Balie gesê.
"Ek wil net regverdig behandel word."

Volgens Carolus is hy tans besig om sy voormalige huurders te help soek vir 'n ander perseel vanwaar hulle hul besigheid kan bedryf.
"Ek het 'n verantwoordelikheid teenoor my gemeenskap," het hy gesê. Carolus het be-vestig dat hy in die toekoms eerder iemand vanuit die Blanco-gemeenskap as huurder sal inneem.

An information session to inform owners of house shops in Blanco about the new rules and regulations will be held shortly. A date for this session will be concluded at the next ward committee meeting, next week Monday.
This follows after the community of Golden Valley in Blanco started a riot two weeks ago, when the sheriff closed the house shop of Dawid Balie.
The riot took place in front of Raja's, another shop, which was managed by foreigners from Bangladesh. Meanwhile, the owner of Raja's, Dessie Carolus, suffered financial loss due to vandalism, and decided to end the lease contract with the foreigners.
Carolus concludes that he is acting in their own safety, and also on behalf of his community. The perception exists in the community that the foreigners deal in drugs. These allegations have not been confirmed by the police.

For a related article, click here.

ARTIKEL: MICHELLE PIENAAR, GEORGE HERALD JOERNALIS

'Ons bring jou die nuutste George, Tuinroete nuus'