GEORGE NUUS - 2021 se lentereeks-etensuurkonserte in die Moederkerk, George, begin op Woensdag 13 Oktober.
Dit gaan ons ‘n regte lentegevoel gee met George se bekende Dalene Brits, pianiste van skittering en faam, wat ‘n soloklavieroptrede gaan aanbied met werke van Schubert en Schumann.
Die konsert vind plaas tussen 13:00 en 14:00. Toegang is gratis. Donasies is welkom.
Program
- 20 Oktober: Anina Wasserman (sopraan) en Stern Bezuidenhout(klavier)
- 27 Oktober: Throy Petersen (klavier) en Lynn Daphne Rudolph (altviool)
- 3 November: Throy Petersen en Cornél Engelbrecht (tjello en klavier)
- 10 November: Alma Oosthuizen (mezzo-sopraan) en Gerrit Jordaan (klavier)
- 17 November: Stefan Conradie (viool) en Dalene Brits (klavier)
Die publiek is welkom om weer ‘n bietjie kultuur-inademing te kom doen na maande van gedwonge weerhouding.
'Ons bring jou die nuutste George, Tuinroete nuus'
