GEORGE NUUS - 'n Medestigter en administrateur van die gewilde Facebookblad 'Georgiete Staan Saam', sowel as twee lede van die geslote groep met meer as 14 000 lede, is vanoggend deur die ANC van Crimen Injuria aangekla.
Hierdie klagtes spruit vanuit kommentaar wat beskou word as rasisties, wat verlede jaar op 6 Desember op die blad gemaak is. Inwoners het hul misnoë uitgespreek oor probleme wat na die jaarlikse Liggiesfees plaasgevind het. Emosies het die hoogte ingeskiet en die gesprekke was by tye taamlik driftig.
Volgens Herman Pienaar, 'n medestigter van die betrokke Facebookblad, is die inskrywings enkele ure nadat dit geplaas is, afgehaal.
"Ek dink die ouens het hier van 03:00 af begin om kommentaar te lewer, en ek het dit Sondagoggend omstreeks 07:00 afgehaal, die oomblik toe ek dit gesien het," het Pienaar gesê. "Van die mense is van die groep verwyder. Ons is 'n privaatgroep - dit staan in ons reëls ons laat geen politieke kommentaar of naamskending toe nie."
"Ons wil mense opbou en nie afbreek nie. Dit is heeltemal teen die doel van die blad, ons wil almal insluit. Ons moet saamstaan om George die beste dorp in Suid-Afrika te maak. Ons het nie tyd vir sulke negatiwiteit nie. Ek is ook al deur die ver regses gedreig omdat ek hul kommentaar afgehaal het."
Volgens Pienaar was daar rassistiese kommentaar vanuit alle politieke groepe. "Die gevaar van sosiale media is dat mense nie altyd besef wat hulle sê nie, hulle sê goed wat hulle nie altyd vir iemand in hul gesig sal sê nie."
Tydens die laaste raadsvergadering verlede jaar op 10 Desember het alle raadslede 'n dringende mosie aanvaar, sonder stemming, om hul misnoeë te kenne te gee teenoor die rassistiese uitlatings op die Facebook-blad na die afloop van die Liggiesfees.
Volgens Pienaar was daar rassistiese kommentaar vanuit alle politieke groepe. "Die gevaar van sosiale media is dat mense nie altyd besef wat hulle sê nie, hulle sê goed wat hulle nie altyd vir iemand in hul gesig sal sê nie."
Tydens die laaste raadsvergadering verlede jaar op 10 Desember het alle raadslede 'n dringende mosie aanvaar, sonder stemming, om hul misnoeë te kenne te gee teenoor die rassistiese uitlatings op die Facebook-blad na die afloop van die Liggiesfees.
Klik hier vir verwante artikels:
ARTIKEL EN FOTO: MICHELLE PIENAAR, GEORGE HERALD-JOERNALIS'Ons bring jou die nuutste George, Tuinroete nuus'
