Transitorowers skuldig

Update

OUDTSHOORN NUUS - Die Oudtshoorn-streekhof het gister, 14 Februarie, Masixole Dolomba (30), Simphiwe Matwa (44), Lwandiso Lento (37) en Sakhele Nkabi (38) skuldig bevind aan roof met verswarende omstandighede.

Volgens 'n verklaring van lt.kol. Siyabulele Vukubi, die Valke se woordvoerder, is die vier skuldig bevind op aanklag een, roof met verswarende omstandighede.

Masixole Dolombo

Hulle is vrygespreek op die aanklag van onwettige besit van vuurwapens, die onwettige besit van ammunisie en die onwettige besit van 'n verbode vuurwapen.

Kapt. Sakhele Nkabi Die vier mans het op 19 Julie 2021 ‘n sekerheidswag by die Bridgton-vulstasie van sy vuurwapen en R86 000 kontant beroof.

Matwa, Masixole en Lento is op 19 Julie, kort na die roof, aan George se kant van die Outeniquapas in hegtenis geneem. Nkabi is op 23 Julie in hegtenis geneem.

Lwandiso Lento

Tydens die eerste arrestasie is daar beslag gelê op die gesteelde geld, die veiligheidswag se vuurwapen en die vuurwapen wat gebruik is om die roof te pleeg.
Vukubi sê dat 'n weermaguniform ook binne die verdagtes se voertuig gevind is. Daar is vasgestel dat dit aan Nkabi behoort wat 'n aktiewe rol in die werklike roof gespeel het.

Simphiwe Matwa

"Hy is uiteindelik in samewerking met Outeniqua K9-honde-eenheid en die Valke gearresteer.
Die saak word vir vonnisoplegging tot 23 Februarie uitgestel.

Vorige artikels: