GEORGE NUUSFLITS - Vanjaar se Outeniqua-rolstoelwedren (OCC), die 13de wedren sedert sy ontstaan in 2002, vind plaas op Saterdag 21 Februarie 2015.
Die ondersteuning van talle plaaslike besighede en vrywilligers in George, en in besonder van die hoofborge, George-lughawe Acsa en die George-munisipaliteit, stel die komitee in staat om elke jaar ‘n uiters suksesvolle wedren aan te bied. Acsa en die George-munisipaliteit is vanjaar vir die vierde agtereenvolgende jaar die hoofborge van die OCC.
George-munisipaliteit, is sedert die OCC se ontstaan ‘n waardige gasheerstad vir dié toonaangewende wedren. George-munisipaliteit borg vanjaar die wedren met R250 000 kontant en verskaf ook noodsaaklike logistieke ondersteuning wat honderde duisende rand beloop.
Sedert 2006 geniet die OCC SA kampioenskapstatus van die South African Sports Association for the Physically Disabled en in 2008 en 2012 het dit gedien as kwalifiserende wedren vir atlete in die SA paralimpiese span. Prysgeld ter waarde van R236 000 is ter sprake.
Die Suid Afrikaanse kampioen, Ernst van Dyk, gaan sy 2014-titel in die handfietsafdeling verdedig. Van Dyk het deelgeneem aan elke OCC sedert die wedren se ontstaan.
Lees meer in Donderdag se George Herald, asook aanlyn.
'Ons bring jou die nuutste George, Tuinroete nuus'
