Volgens Me. Sophie Fanelo, Waarnemende Bestuurder: Gemeenskapsontwikkeling, behels hul werkswyse om hierdie persone byvoorbeeld rekenaarvaardig te maak en ondersoek ook die moontlikheid om aan hulle Abet-klasse aan te bied.
Fanelo sê dit verbeter hierdie persone se moontlikhede om werk te kry. Hulle word gehelp met die verkryging van identiteitsdokumente,verwysingsbriewe na die Nagskuiling, sorg en behandeling, asook gesondheidsbewusmakings-programme om ook weer hul menswaardigheid te herstel.
Die programme van die Gemeenskapsontwikkelingsafdeling help ook van die mense met hul families te herenig.“Daar is van tyd tot tyd persone van die Nagskuiling wat aandui dat hulle graag wil terugkeer na hul plek van herkoms en word voorsien van `n buskaartjie. Drie persone is onlangs met hul families herenig. Hulle is van Bloemfontein en Queenstown afkomstig.
Me. Fanelo sê, die persone is baie dankbaar vir hierdie geleentheid. Daar is vooraf met hul families kontak gemaak en hulle is dan van buskaartjies voorsien. Die persone wat kaartjies ontvang het is Sandiso Baartman vanaf Queenstown, Johannes Springkaan en Joseph Mraji van Bloemfontein. George Munisipaliteit poog deurlopend om meer hawelose persone met hul families te herenig.
Die persone wat die busritte meegemaak het, is ook bederf met `n kospakkie vir die lang rit.
'Ons bring jou die nuutste George, Tuinroete nuus'
