Die gebou in Meadestraat, wat aan die NG Kerk Moedergemeente behoort, huisves onder andere House of Flavours Restaurant, Cinnabar Creative Studio, Ou Juweel Antiques, Serendipity-skoonheidsalon en Designer Plan Landscape Design & Project Management.
Die oorsaak van die brand is nog onbekend. Die brandweer was gou op die toneel om die brand te blus en van die besighede soos Cinnabar het nie ware brandskade opgedoen nie, maar is deur die rook, roet en water in puin gelê.
Die eienaar van Cinnabar, Fleur de Bruyn en haar man Jacques, ‘n kunstenaar het groot skade gely. Sy sê egter dat dit nie help om in sak en as te sit nie en dat sy vorentoe kyk. “Ons is verseker en moet nou so gou as moontlik nuwe rekenaars en ‘n nuwe perseel kry. Dit gaan baie lank vat om die skade aan die gebou te herstel.”
Foto: Liezl Wellsted.
Die oorsaak van die brand is onbekend. Foto: Liezl Wellsted.
ARTIKEL: ILSE SCHOONRAAD, GEORGE HERALD-REDAKTEUR
'Ons bring jou die nuutste George, Tuinroete nuus'
