GEORGE SAKENUUS - Die George vereniging vir persone met gestremdhede (VPG) is 'n nie-winsgewende organisasie wat diens lewer aan persone met gestremdhede in die George munisipale gebied. Die hoof fokus is persone met erge ge-stremdhede.
Tans sorg die spesiale dagsorgsentrum in Olympiarylaan, Pacaltsdorp vir 50 kinders en 20 volwasse persone met gestremdhede. Daar is ongelukkig 'n waglys vir kinders en volwassenes, aangesien die fasiliteit nie groot genoeg is om meer in te neem nie.
Die VPG bestaan uit 26 personeellede wat 'n passie het om te sorg vir die wat nie hulself kan help nie en word bygestaan deur 'n bestuur van nege lede wat vrywillig diens lewer aan die organisasie. Die elf lede van die program vir uitgebreide openbare werke (EPWP), wat tans by die organisasie is, is 'n groot aanwins. Soos die spreekwoord sê: Baie hande maak ligte werk.
VPG bied maatskaplike dienste aan vir persone met gestremdhede en hul families. Individuele terapie soos perdry by Rainbow Riders, tuinmaak, groepwerksessies, ondersteuningsgroepe en bewusmaking.
- Kinderversorging en -opvoeding
- Kinders word daagliks per bus op- en afgelaai.
- Stimulasie en opvoedkundige programme word aangebied
- Oueropleiding en gemeenskapsuitreike vind gereeld plaas
- Ondersteuningsgroepe vir ouers en kinders
- Kwartaallikse uitstappies
VPG dank hul borge: Midas, Nestlé, Edcon, CNA, Boardmans, Excalibur-motor-fietsklub, Henties, Rainbow Riders en Carpe Diem, Louis Transport, Olympia Skool vir die gebruik van hul busse.
Vir meer inligting kontak Natalie Mentoor by 044 878 0063 of e-pos: comdev2@apd-george.co.za
'Ons bring jou die nuutste George, Tuinroete nuus'
