TUINROETE NUUS - Die Swaargewig Komedievertoning met Thys die Bosveldklong, Zak van Niekerk, Vaatjie (Gerhard Odendaal) en Jaco Labuschagne word op 23 Oktober om 14:00 by die Langeberg Mall in Mosselbaai aangebied. Die viertal mans sien hulle as Suid-Afrika se weergawe van die ‘grootste’ boy-band wat die land nóg gesien het. Elkeen van hulle bring sy eie unieke styl na die verhoog om dit van die begin tot einde ‘vet’ pret te maak.
Die gehoor word vergas op talle bekende liedjies en komedie wat volgens kritici gehore lank agterna bybly.

Bespreek jou plek by 082 780 9090 en maak seker jy sien hierdie ‘rolmodelle wat die weegbrûe op die land se paaie baie geld gaan skuld weens ... ag oukei, hul gewig!’
Kaartjies is ook beskikbaar by Golf & Cellular in die Langeberg Mall (ingang 2), Liquor City (Da Nova) en Planet Golf in Yorkstraat, George.

‘n Kontantkroeg sal beskikbaar wees en groepbesprekings kan ook gedoen word.
Die vertoning word in samewerking met Celebrity Promotions, André Gerber Promosies en Langeberg Mall in Mosselbaai aangebied.


Die viertal van die Swaargewig Komedievertoning is (van links) Thys die Bosveldklong, Zak van Niekerk, Vaatjie (Gerhard Odendaal) en Jaco Labuschagne.