GEORGE VERMAAKNUUS - Musiekliefhebbers sal bly wees om te verneem dat die Woensdag-etensuurkonserte in die Moederkerk George op 14 Oktober met 'n lentereeks hervat word.
Die volgende konserte word beplan:
14 Oktober: Elisabeth Potgieter, Heinrich Jonck, Buks Gericke en Mia Dupper sing Dalene Brits se toonsettings van Afrikaanse gedigte.
21 Oktober: Dalene Brits (klavier) speel werke van onder meer Beethoven.
28 Oktober: Gerrit Jordaan (orrel) speel werke van JS Bach, Widor en ander.
4 November: Ensemblemusiek deur Kalene Roux (fluit), Ingrid Robinson (altviool) en Dalene Brits (klavier).
11 November: Klavier en orrel deur Dalene Brits en Gerrit Jordaan met onder meer duetverwerkings vir orrel en klavier deur Dalene, met uittreksels uit West Side Story en ander.
16 November (aand): Galakonsert bestaande uit hoogtepunte uit die reeks.
Konserte begin stiptelik om 13:10 en duur tot ongeveer 13:50.
Konsertgangers moet asseblief hul maskers dra en vroegtydig kom sodat gesondheidsprosedures betyds afgehandel kan word.
Toegang is gratis, maar donasies by die deure is welkom.
'Ons bring jou die nuutste George, Tuinroete nuus'
