460 daggaplante gekonfiskeer

Update

GEORGE NUUS - Sowat 460 daggaplante, met 'n beraamde gewig van 960 kg, en tik ter waarde van R400 is Maandagoggend in drie afsonderlike gevalle in die Pacaltsdorp-area gekonfiskeer.

Dit spruit uit 'n gesamentlike operasie tussen lede van Pacaltsdorp-polisie en die K9 Outeniqua-honde-eenheid.

Twee daggavondste
Na inligting wat uit die gemeenskap ontvang is, is 100 plante in Syferfontein gevind. Volgens polisielede wat by dié operasie betrokke was, is hulle deur lede van die gemeenskap met klippe bestook toe hulle die plante wou verwyder.

Uiteindelik moes hulle van pepersproei gebruik maak om die mense onder beheer te bring.

Die ander 360 plante is tydens 'n roetinepatrollie in 'n versteekte plantasie tussen Pacaltsdorp en Heroldsbaai gevind.

Niemand is nog in verband met die vondste in hegtenis geneem nie.

Tik
'n Tikhuis in Pacaltsdorp is Maandagoggend deursoek nadat die polisie op 'n wenk uit die gemeenskap gereageer het.

Agt sakkies tik van sowat 1 gram elk, met 'n straatwaarde van R400, asook R461 kontant en drie selfone is gekonfiskeer.

'n Man en 'n vrou is in hegtenis geneem vir die besit van en handel in dwelms.

Hulle het Dinsdag in die George-landdroshof verskyn. Teen druktyd was inligting rondom hulle verskyning nog nie beskikbaar nie.

Lede van Pacaltsdorp-polisie en die K9 Outeniqua-honde-eenheid tel die plante. Adjudant-offisier Martin Peterse, sers. Gaston Jacobs, sers. Clifton Jantjies, luitenant-kolonel Hans Blaauw, André Goosen, sers. Derek Matola, konstabel Nico Luiters en adjudant-offisier Rocco Malherbe was betrokke by die operasie.

"Ons is dankbaar vir die inligting wat ons ontvang. Hoe meer inligting ons kry hoe meer kan ons reageer en hoe meer kriminele kan ons toesluit," het Pacaltsdorp-polisie se stasiebevelvoerder, kol. Hans Blaauw, aan die George Herald gesê.

Inligting word vertroulik hanteer
"Enige inligting wat ons ontvang sal uiters vertroulik hanteer word. Mense hoef nie bang te wees om vir ons inligting te gee nie," het Blaauw gesê.

Mense met inligting wat vir die polisie van waarde sal wees, kan kol. Blaauw bel by 082 522 3108.

Hy het ook sy dank teenoor die Gemeenskapspolisiëringsforum (GPF) en die betrokke buurtwaglede uitgespreek. "Ons werk goed saam met die GPF en buurtwaglede.

Lede betrokke by die operasie is van links: Adjudant-offisier Kelvin Heyens, sersant Gershwin Hutchinson, sersant Gaston Jacobs, adjudant-offisier Martin Peterse, adjudant-offisier Rocco Malherbe, reservis-konstabel Nico Luiters, sersant Derek Matola en sersant Clifton Jantjies.

"Ons moedig mense aan om by hulle plaaslike buurtwagte aan te sluit en sodoende hul deel vir misdaadbekamping te doen."

Indien enigiemand by Pacaltsdorp se buurtwag wil aansluit, kan hulle die voorsitter, Isaac Fillies by 065 272 8838 skakel.

* About 460 dagga plants, with an estimated weight of 960 kg, and R400 worth of tik were confiscated by the police on Monday morning in the Pacaltsdorp area. This resulted from a joint operation between members of Pacaltsdorp police and the K9 Outeniqua dog unit. Following a tip-off, police found 100 plants in Syferfontein.

According to the police members involved in this operation, they were pelted with stones by members of the community when they attempted to remove the plants. Eventually they had to use pepper spray to deter the crowd. The other 360 plants were found in a hidden plantation between Pacaltsdorp and Herold’s Bay during a routine patrol.

Understanding legislation around dagga
The use of dagga for personal use remains a violation in terms of the law. Judge Davis's court ruling from earlier this year clearly states that there will be a process of about two years before personal use will be legalised.

The declaration made by the High Court was suspended for a period of 24 months from the date of the judgement on 31 March in order for Parliament to correct the defects as set out in the judgement.

The Court made an interim order regarding a deemed defence in such matters, pending the proposed amendment of the legislation, but should the matter be appealed, the interim relief is not enforceable.