GEORGE NUUSFLITS & VIDEO - Die jong skaakspeler van George, Michael Sweetbert, wat voor Kersfees ernstig in 'n ongeluk beseer is, het vandag sy 12de verjaarsdag gevier.
Sy pleegma, Beverley, het vir hom 'n heerlik sjokolade- en malvalekkerkoek gebak.
Terwyl 'n paar maats en hulle ouers vir hom gesing het, het die opgewonde Michael met 'n bree glimlag al die kersies op sy koek een vir een uitgeblaas.
Michael en sy pleegpa, Eduan Naudé (65) was onderweg na die SA junior skaakkampioenskappe in Boksburg toe die ongeluk op 15 Desember naby Parys in die Vrystaat plaasgevind het.
Naudé het vier dae later in 'n Bloemfonteinse-hospitaal gesterf.
Michael is op 1 Januarie uit die hospitaal ontslaan en sterk by hul huis, in Rooirivierrif in 'n hospitaalbed, aan.
Kyk hieronder na 'n video:
Michael wou self sy koek sny.
Klik hier vir vorige artikels:
- Injured chess champ back home
- Injured chess champ loses dad
- 11-jarige skaakspeler kritiek na ongeluk
Lees meer in volgende week se George Herald, asook aanlyn.
'Ons bring jou die nuutste George, Tuinroete nuus'
