SUID-KAAP NUUS - Die SA Ope van die Suid -Afrikaanse Jaggeweerskietvereniging word op 21 Maart die eerste keer in die Suid-Kaap gehou. Alle jagters word genooi om dié geleentheid by te woon.
Die dag word geborg deur Safari & Outdoor met talle pryse in die verskeie klasse op die spel. Daar is ook ‘n Savage-jaggeweer in beide die junior- asook die vroueafdelings te wen.
Jagters skiet met hul standaard-jaggewere na volgrootte papierteikens van onder andere vlakvarke, springbokke, rooibokke en blesbokke op afstande wat kan wissel van 50 tot 250 meter.
Die oefenig sluit ook twee “gong” bane in waar 200 mm-staalskywe opgehang word as teikens op afstande wat wissel van 200 m tot 350 m.
Daar word uit die lê-, sit-, en staanposisies geskiet en rotse en boomstompe word soms as ruste gebruik. Daar is geen beperking op gewere, visiere, teleskope en kalibers nie.
Afstande na die teikens is onbekend en dit word aan die skut oorgelaat om afstande, windspoed en ander faktore te oordeel.
Dertig rondtes word benodig, maar jagters moet genoeg ammunisie bring om voor die tyd seker te maak dat hul teleskope reg ingestel is.
Die kompetisie vind plaas op Louvain. Die aanwysings is as volg: Vanaf George en Oudtshoorn-vurk neem die Uniondale-pad. Louvain is sowat 28 km verder.
07:30 - 10:00: Registrasie.
07:30 - 08:30: Inskiet van gewere.
(Inskietbaan sluit om 08:30 en open weer om 09:00).
08:40: Formele opening wat deur almal bygewoon moet word.
09:00: Kompetisie begin.
Die baan sluit stiptelik om 15:00.
Die prysuitdeling sal begin sodra die tellings verwerk is.
Inskrywingsgeld beloop R425 vir volwassenes en R280 vir juniors (jonger as 16). Die inskrywing sluit ‘n driegang-maaltyd in.
Vir navrae bel gerus vir Jimmy Farnham 082 800 1964, Valie Enslin 082 371 3117 of Hugo Moolman 083 375 3637.
Die SA Ope van die Suid -Afrikaanse Jaggeweerskietvereniging word op 21 Maart die eerste keer in die Suid-Kaap by Louvain gehou. Alle jagters word genooi om dié geleentheid by te woon.
'Ons bring jou die nuutste Suid-Kaap nuus'
