SUID-KAAP NUUS - Die Eden-sportraad en die departement van kultuursake en sport (DKES) span weer saam om die Eden se sportlui vir hulle prestasies in 2016/2017 te vereer.
Die spog geleentheid neem egter vanjaar 'n nuwe tydgleuf op deurdat dit op Donderdag-aand, 27 Julie plaasvind.
Hierdie verandering is die gevolg van die nasionale departement van sport en rekreasie, wat die SA sporttoekennings teruggeskuif het 12 November. Dit het die kettingreaksie tot volg dat die Wes-Kaap hulle geleentheid moes terugskuif na 8 September. Dit was ook die rede waarom daar nie 'n Wes-Kaap 2016-funksie was nie.
Die reëlingskomitee van die Eden-sportraad moet nou op kort kennisgewing alles in plek te kry. Alle rolspelers word dus versoek om, sodra hulle die nominasievorms ontvang, dit te voltooi en aan DKES (Dirk van der Westhuizen) en Dave van der Walt (Eden-sportraad) terug te stuur. Die sluitingsdatum vir nominasies is reeds 24 Junie. Daar word nog onderhandel oor 'n geskikte venue.
Verskeie hoogwaardigheidsbekleërs uit die sportwêreld en die Wes-Kaapse departement van kultuursake en sport is genooi.
Alle Eden-sportfederasies word uitgenooi om hulle topsportpersone, afrigters en admini-strateurs te nomineer.
Verlede jaar is 'n rekord getal van 193 nominasies ontvang. Alle fede-rasies wat finansiering vanaf die DKES ontvang, moet volgens ooreenkoms atlete nomineer. Die publiek kan ook nomineer, maar alle nominasies moet op die voorgeskrewe nominasievorm gedoen word en deur die relevante Eden-sportfederasie goedgekeur word.
Nominasievorms kan by die sekretaris, Dave van der Walt, by (sportcouncil.eden@gmail.com) gekry word.
Sportprestasies tussen 1 Oktober 2016 en 24 Junie 2017 word in ag geneem. Die wenners van die kategorieë wat in ooreenstemming is met die van Wes-Kaap, word outomaties fina-liste vir die Wes-Kaap-sporttoekennings.
Die kategorieë wat verlede jaar aangebied was, is die onderstaande, maar kan moontlik aangepas word. Daar word net op die finale weergawe van DKES gewag.
- Administrateur van die jaar
- Afrigter van die jaar
- Plaaswerker sporttoekenning van die jaar
- Nuweling sportpersoon van die jaar
- Erkenning vir tegniese uitnemendheid
- Federasie van die jaar
- Span van die jaar
- Inheemse sportster van die jaar
- Laerskool sportman van die jaar
- Laerskole sportvrou van die jaar
- Skole sportman van die jaar
- Skole sportvrou van die jaar
- Sportvrou met gestremdheid van die jaar
- Sportman met gestremdheid van die jaar
- Riaan loots sporttoekenning (bydrae tot bekamping van geweld in sport)
- Junior sportvrou van die jaar (o.23)
- Junior sportman van die jaar (o.23)
- Sportvrou van die jaar
- Sportman van die jaar
- Vrywilliger van die jaar
- Skoolsportspan van die jaar
- Ontwikkelings-skoolsportspan van die jaar
- Sport gemeenskapsbouer van die jaar
- Lifetime achiever
- Legende toekennings
- Ererol
- Sportjoernalis van die jaar
- Sportfotograaf van die jaar
Vir enige verdere inligting kan die voorsitter van die reëlingskomitee, Rudi Claassen gekontak word by:
(083 500 4877/rudolphclaassen9@gmail.com), of die sekretaris, Dave van der Walt
(082 773 4901/sportcouncil.eden@gmail.com) gekontak word.
'Ons bring jou die nuutste Klein Karoo, Tuinroete, Hessequa nuus'
