GEORGE NUUS - Die Suid-Kaap se toppresterende sportmanne, -vroue en -spanne word Vrydagaand 4 November in die George-burgersentrum by die Eden-sportraad se 2016-sporttoekennings vereer. Die kollig gaan ook op die beste sportadministrateurs en afrigters val.
In 2015 het 160 atlete om die toekennings meegeding.
Die Eden-sportraad, die Wes-Kaapse departement van kultuursake en sport en die George-munisipaliteit span weer kragte saam om Eden-sportlui vir hulle prestasies in 2016 te vereer.
Volgens Dave van der Walt, sekretaris van Eden-sportraad, was die nominasies van hoogstaande gehalte en het dit die beoordelaarspaneel meer as vyf ure geneem om deur die 191 nominasies te sif.
Die sportraad gaan ook die drie Olimpiese atlete uit die Eden-distrik, Anél Oosthuizen, Elroy Gelant en An-Li Kachelhoffer, en die Paralimpiese atleet Dyan Buis met spesiale toekennings vereer.
Onder die genomineerdes is daar verskeie sportsterre wat as gunstelinge op die verhoog sal stap. Onder hulle is Elma Davis (sportvrou), Jovan Rebula (sportman), Elfie Holden (afrigter), die Suid-Kaapse gholfspan (beste span), Nicola Putter (laerskole-sportvrou) en Jean du Plessis (hoërskole-sportman) - om net 'n paar te noem.
Maar daar kan 'n paar groot verrassings wag.
Moderne vyfkamp, seiljagvaart, hokkie, trompoppies en skopboks is enkele van die sportkodes waaruit die wenners aangewys kan word. Sportprestasies wat tussen 1 Oktober 2015 en 30 September 2016 behaal is, word in ag geneem.
Die Eden-sportaad gaan drie Olimpiese atlete en een Paralimpiese atleet Vrydagaand by die Eden-sporttoekennings spesiaal vereer. Die oud-Kwagga Anél Oosthuizen (foto), wat in Rio aan die 20 km-stap deelgeneem het, is een van die vier.
Die finaliste vir die 2016 Eden-sportoekennings is:
Administrateur: Kallie Haupt (rolbal), Anne van der Merwe (skopboks) en Rudi Claassen (krieket).
Administrateur: Kallie Haupt (rolbal), Anne van der Merwe (skopboks) en Rudi Claassen (krieket).
Afrigter: Claudio Miller (lewensredding), Elfie Holden (seilvaart) en Gerhard Gibson (atletiek).
Plaaswerker: Norman Cupido (rugby).
Nuweling: Auscthen October (skopboks), Bradley Wiehahn (ligtegerei-boothengel) en Linél Engelbrecth (mbsc/mpa).
Tegniese beampte: Ruhan Meiring (rugby), Gerald de Jager (lewensredding) en Rob Holden (seilvaart).
Federasie: Eden-netbal, SWD-krieket en Eden-fietsry.
Span: Suid-Kaap Premier-gholf, Oakdale-toutrek en Team Freestyle (seilvaart).
Inheemse sport: Anna Hansen (jukskei), Sinethemba Sikotshi (Iintonga) en Sipesihle Bobo (Kgati).
Laerskole-sportman: Matthew Golden (rugby, atletiek, krieket, hokkie), John Tanner (hokkie, rugby, waterpolo, swem, krieket, atletiek) en Jacobus Muller (swem, tweekamp, rugby, atletiek).
Laerskole-sportvrou: Nicola Putter (skaak, netbal, atletiek, tennis), Jandri Snyders (atletiek, netbal, landloop, swem), Cara Bergh (atletiek, tweekamp, landloop, swem, hokkie).
Hoërskole-sportman: Damien Nezaar (tennis), Jean du Plessis (krieket) en Christo Lamprecht (gholf).
Hoërskole-sportvrou: Suné Visser (moderne vyfkamp), Naledi Manyube (tennis) en Megan Robertson (mbsc/seilvaart).
Disa-sportvrou: Izine Huffke (atletiek), Alvine Volkwyn (atletiek) en Vicky Scheepers (fietsry).
Disa-sportman: Gerrit Hendricks (atletiek), Adeo Breet (atletiek/mbsc) en Philip Weideman (watersport).
Junior sportvrou: Meike Strydom (atletiek), Charné Beyleveld (karate) en Adri Uys (netbal).
Junior sportman: Dawid Blom (skopboks), Louis Visser (fietsry/lgim) en Jordan Duminy (gholf).
Meester-sportvrou: Arlene Bosse (rolbal), Christine van Coller (tennis) en Toy Ungerer (atletiek).
Meester-sportman: Johan Windt (tweekamp/mpa), Ronnie van't Hoff (tennis) en Johan Strauss (kushengel).
Sportvrou: Elma Davis (rolbal), Roché de Reuck (netbal) en Elzanne Cronjé (kushengel).
Sportman: Llewellyn Whittaker (branderplankry), Jovan Rebula (gholf) en Jaco Brink (geweer - jag), Deon Floris (Cue sport).
Vrywilliger: Marali Olen (gestremde sport) en Chris van Wyk (moderne vyfkamp).
Skolespan: Sacred Heart-trompoppies, Oakhill o.13-hokkie en Hoërskool Outeniqua Top-10-atletiek.
Ontwikkeling-skolespan: Pacaltsdorp Primêr-basketbal, Groot-Brak Sekondêr-baketbal en Bridgton o.14-fietsry.
Gemeenskapbouer: Nadia Jacobus-Julies (mbsc), Lee Arries (fietsry) en Elfie Holden (SA seilvaart/Eden-seilvaart).
Lewenslange erkenning: Trevor Davis (rolbal), Corne Bence (fietsry) en Jorrie Jordaan (mbsc).
Legendes: Johan Havenga (rolbal), Harry Levendal (rugby), Katy Britz (dans), Nico Brummer (atletiek), Ernest Blaauw (atletiek), Heinie Benn (krieket), Leonard Giles (branderplankry), Mike Lombard (fietsry), Tannah Harris (gholf), Toy Ungerer (atletiek), Johnnie Koen (fietsry), Mervin Draai (rugby), Amanda Stripp (atletiek), Johan Strauss (kushengel), Izak Boshoff (fietsry) en Sybeth Hughes (watersport).
Ere-rol: Richard Meyer (krieket), Barend Boshoff (wedvlugduiwe), Marius Louw (wedvlugduiwe), Pieter Myburgh (wedvlugduiwe), Gert Alberts (wedvlugduiwe), Johan van Rooyen (fietsry), Goliath Munro (Eden SC).
Joernalis: Christo Vermaak (Oudtshoorn Courant/Knysna-Plett Herald), Hugo Redelinghuys (George Herald), Garnett Wicomb (vryskut), Higgo Jacobs (Hoorn), Suzette Herrer (Mossel Bay Advertiser), Wilma Adamson (Suid-Kaap Forum), Hannes Visser (Oudtshoorn Courant), Eugene Gunning (Die Burger), Morné Pietersen (EDENfm) en Lynette van Zyl (Sfm).
Fotograaf: Joanne Tanner (vryskut), Rudy van Heerden (vryskut) en Hugo Redelinghuys (George Herald).
Presidentstoekenning: Word aangekondig tydens prysuitdeling.
Ere-toekennings: Elroy Gelant (Olimpiese Spele), Anel Oosthuizen (Olimpiese Spele), An-Li Kachelhoffer (Olimpiese Spele) en Dyan Buis (Paralimpiese Spele).
'Ons bring jou die nuutste George, Tuinroete nuus'
