Gallery Video

GEORGE NUUS EN VIDEO - Tien rekords het gespat en een is geëwenaar by die geslaagde kleure-atletiekbyeenkoms van Hoërskool Outeniqua.

Die groenspan was die wenspan en die geelspan het die trofee ontvang vir die span met die beste gees.

Die 17-jarige Meike Strydom, huidige SA rekordhouer in die gewigstoot vir dogters o.18, het die beste individuele prestasie van die dag gelewer. 

Klik hier vir 'n fotogalery.

Meike, wat in die o.19-ouderdomsgroep deelgeneem het, het die gewigstoot in 'n nuwe byeenkomsrekord van 14,93 m gewen. 

Hierdie uitsonderlike prestasie sou vir haar 960 punte besorg het op ASA se puntetabel.

Nie net het sy die diskusrekord verpletter met 'n puik afstand van 40,56 m nie, maar ook die hamergooititel gebuit met 'n afstand van 32,66 m.

Kyk 'n video hieronder:

Die volgende atlete het ook rekords verbeter:

• Dogters o.14: Riancke Slump, hamergooi (34,5 m); Aine Ferreira, paalspring (2,10 m).
• Seuns o.14: Loudrie Pretorius, hoogspring (1,67 m).
• Seuns o.15: Juan Terblanche, paalspring (3,0 m).
• Dogters o.17: Ancois Jordaan, hamergooi (43,05 m).
• Seuns o.17: Cashton Michaels, 100 m (11:00). Ewenaar rekord.
• Dogters o.19: Simonn Swanevelder, paalspring (3,09 m).
• Seuns o.19: Hanno du Plessis, hamergooi (58,47 m). Marnel Coetze, paalspring (3,90 m).

Meike Strydom het by die Kwaggas se kleure-atletiekbyeenkoms die beste individuele prestasie van die dag gelewer toe sy in die gewigstoot vir dogters o.19 'n nuwe byeenkomsrekord van 14,93 m opgestel het.

Beste prestasie in ouderdomsgroep:

• Dogters o.14: Riancke Slump, gewigstoot (11,29 m) met 870 punte.
• Seuns o.14: Loudrie Pretorius, hoogspring (1,67 m) met 600 punte.
• Dogters o.15: Neline Naude, gewigstoot (10,97 m) met 840 punte.
• Seuns o.15: J D Heyns, gewigstoot (14,70 m) vir 750 punte.
• Dogters o.17: Ancois Jordaan, hamergooi (43,05 m) vir 890 punte.
• Seuns o.17: Cashton Michaels, 100 m (11:00) vir 780 punte.
• Dogters o.19: Meike Strydom, gewigstoot (14,93 m) vir 960 punte.
• Seuns o.19: Hanno du Plessis, hamergooi (58,47 m) vir 870 punte.

Loudrie Pretorius het uitgemunt in die hoogspring vir seuns o.14 (1,67 m), maar sy veelsydigheid bewys deur ook die 90 m-hekkies  in 16:50 te wen.

Die talentvolle Talita Reinstorff (dogters o.14) het 'n tweekuns behaal deur die 80 m-hekkies in 14:90 en 100 m in 14:03 te wen.

Lane Coetze (dogters o.15) het 'n vierkuns behaal deur die 90 m-hekkies (15:10), 100 m (13:70), 200 m (29:20) en spiesgooi (34,17 m) te wen.

Russel Tenteni (seuns o.15), het 'n tweekuns in die kort naellope behaal deur die 100 m (11:60) en 200 m (25:30) af te blits.

Ellen Kleinsmidt, (dogters o.17) het die 100 m in 12:80 en 200 m in 29:00 gewen.

Nolene van Rensburg, (dogters o.17) het 'n driekuns behaal deur die driesprong (9,91 m), verspring (4,91 m) en 400 m (1:03.50) titels te buit.

Lane Coetze (dogters o.15) het 'n vierkuns behaal deur die 90 m-hekkies (15:10), 100 m (13:70), 200 m (29:20) en spiesgooi (34,17 m) te wen.

Die belowende Gustav Schlechter (seuns o.17) het die 800 m in 2:10.20 en 1500 m (4:44.90) gewen. 

Theron Human het die 100 m (11:20) en 200 m (22:80) gewen vir seuns o.19.

Stephany Petro het die 1500 m vir dogters o.17 in 'n vinnige 5:09.80 gewen en net-net nie die rekord verbeter nie.

ARTIKEL & FOTO'S: HUGO REDELINGHUYS, GEORGE HERALD-JOERNALIS

VIDEO: WESSEL VAN HEERDEN

'Ons bring jou die nuutste George, Tuinroete nuus'