Kerk staan op teen geweld teen vroue en kinders

Update Video

GEORGE NUUS EN VIDEO - George se Sewendedag Adventiste het Saterdag 25 November hul stemme dikgemaak tydens hulle EndItNow-veldtog.

Hiérdie veldtog, wat deel vorm van hulle bydrae tot 16 dae van aktivisme teen geweld teen kinders en vroue, het met trompetgeskal in die middedorp afgeskop.

EndItNow is in 2009 gestig en is reeds na 200 lande uitgebrei om aandag te gee aan alle vorme van geweld teen vroue en kinders.

Lede van nege Sewendedag Adventiste kerke in George, waaronder Loeriepark, Rosemoor, Pacaltsdorp, Parkdene, Conville en Thembalethu, asook lede van Hornlee in Knysna, het aan 'n vreedsame optog vanaf Golden Harvest tot by die burgersentrum, deelgeneem.

"Duisende Sewendedag Adventiste regoor Suid-Afrika het 'n openbare standpunt teen geslagsgebaseerde geweld ingeneem. As Sewendedag Adventiste in die George-omgewing het ons ook ons standpunt ingeneem teen geweld teen vroue en kinders," sê Evalyn Botha, 'n lid van George se Sewendag Adventiste.

"Ons het die optog gehou, want genoeg is genoeg! Ons is daartoe verbind om alle gevalle van geweld aan te meld. Ons aanvaar ons verantwoordelikheid as 'n kerk om na diegene wat onder geslagsgebaseerde geweld ly, te versorg."

16 dae van aktivisme begin jaarliks op 25 November en eindig op 10 Desember op Menseregtedag.

Evalyn Botha, Grant Lottering en pastoor Eugene Carolus van die Sewendedag Adventiste maak 'n standpunt tydens die optog.

*George's Seventh-day Adventists kicked off16 days of activism for no violence against women and children with their EndItNow campaign on 25 November. Members of the church took part in a peaceful demonstration from Golden Harvest in the CBD to the Civic Centre. They are adamant to end all types of violence towards women and children.

EndItNow was established in 2009 and has extended to more than 200 countries. The campaign addresses all forms of violence against women and children.

Kyk 'n video onder: