SUID-KAAP NUUS - 'n Jong vroulike motorfietsryer is vanmiddag met ernstige beserings met die AMS-helikopter na George vervoer nadat sy in Oudtshoorn in 'n ongeluk betrokke was.
Met die aankoms van die Oudtshoorn Courant (susterkoerant van die George Herald) op die toneel, was die motorfiets onder die vragmotor vasgepen en was paramedici reeds besig om die vrou te behandel.
Die blyk of sy ernstige beenbreke in die ongeluk opgedoen het.
Die polisie het die bestuurder van die vragmotor op die toneel in hegtenis geneem. Dit is nog nie bekend wat die klagtes teen hom is nie.
'Ons bring jou die nuutste Tuinroete, Klein Karoo nuus'
