Ofskoon die ambassadeurs einde Junie deur die GO GEORGE-bestuur gevra is om hul dienste te staak, werk hulle steeds daagliks hul skofte.
Die wyksraadslid, Melvin Naik het glo opdrag gegee dat hulle moet aanhou werk, met die versekering dat hulle saak tans aandag geniet.
"Naik het Maandag vir my gesê die saak word ondersoek, en dat hulle nou geld soek om ons te betaal," het een van die ambassadeurs aan die George Herald gesê.
Naik het nie teen druktyd op 'n versoek om kommentaar gereageer nie.
• Is daar al met hulle (die ambassadeurs) vergader?
• Is die politieke inmenging aangespreek? Watter besluite is geneem?
• Hoekom praat die bestuur en wykskomi-tee uit twee monde?
Die waarnemende munisipale bestuurder, Eddie Rankwana, se reaksie was soos volg: "Dit is 'n interne administratiewe aangeleent-heid en sal deur die munisipale bestuurder hanteer word."
Blanco-ambassadeurs het twee weke gelede kapsie gemaak nadat die GO GEORGE-bestuur bevestig het dat hul kontrakte nie hernu gaan word nie.
Wyksraadslede, waaronder Naik, het egter nuwe hoop gegee tydens 'n vergadering waar hulle beloof het die ambassadeurs sal nie hulle werk verloor nie.
Vorige artikels:
ARTIKEL: MICHELLE PIENAAR, GEORGE HERALD - JOERNALIS.
'Ons bring jou die nuutste George, Tuinroete nuus'
