GEORGE BUSINESS NEWS - Die Texas Grill-restaurant is nou bykans vier maande in bedryf en in hierdie tyd het George se inwoners hulle uitstekend ondersteun, sê die eienaars, Gerrit en Marlize van der Walt.
"Ons wil hulle graag daarvoor bedank, want hulle is die spilpunt van ons besigheid. Ons sal voortgaan om baie hard te werk om aan hul standaarde te voldoen," sê die Texas Grill-span.
Soos talle Georgiete al uitgevind het, bied Texas Grill uitstekende waarde vir geld met ruim porsies en pryse wat jou nie van jou stoel sal laat afval nie.
Hulle middagete-spys-kaart het onder meer die Giant Texas Footlong Hotdog met twee kaasworsies, kaas en skyfies vir slegs R49, of die 500g Club Steak/Eisbein met 'n Castle Light Draught vir R89.
Daar is weeklikse spe-siale aanbiedinge, soos Saterdae (heeldag) wanneer twee kaasburgers (160 g vleis per burger) met skyfies vir slegs R59 bestel kan word.
Maandae en Woensdae eet kinders verniet (twee kinders onder 12 per ouer wat eet) en Dinsdae en Donderdae is dit Rib Mania wanneer jy vir R99 soveel ribbetjies mag eet as wat jy kan.
"Die ribbetjies is een van die gewildste items op die spyskaart en word aanbeveel deur enig-een wat dit al op die proef gestel het. Hierdie twee aande het al 'n instelling by baie van ons klante geword en hulle kom ook om die jolige atmosfeer te geniet. Dis voorwaar 'n eeterva-ring," sê Gerrit.
Die Texas Grill-ontbytspyskaart bied smaaklike keuses vanaf R25 en maak voorsiening vir dié wat 'n behoorlike proteïen-ontbyt soek tot iets ligter soos muesli en vrugte. Jy kan 'n Breakfast Burger Special koop vir R25.
Hulle bedien ook heerlike koffie teen uiters billike pryse ('n cappuccino vir net R14).
Die spyskaart bied ook seekos, hoender en 'n vegetariese bord (met diepgebraaide halloumikaas).
Texas Grill is 'n restaurant vir die hele gesin. 'n Groot speelkamer met 'n klimraam, televisie en speelgoed hou die kleingoed besig.
Die gesellige rokersarea het televisieskerms waar sportgeesdriftiges belangrike wedstryde kan geniet. Texas Grill is soggens van 09:00 af oop en die kombuis sluit saans om 22:00.
Adres: H/v Meade- en Markstraat
Tel: 044 873 3435
Die kombuispersoneel, van links, voor: Mirriam, Angel en Debbie. Agter: Johny Boy, Jackson, Grant, Fasty (junior manager) and Marx (chef).
'We bring you the latest George, Garden Route news'
