GEORGE SAKE NUUS - Geniet 'n heerlike, eg Suid-Afrikaanse braai met ongelooflike lekker braaiprodukte en raad van die kenners by Van Rensburgs Foods.
Suid-Afrikaners is bekend daarvoor dat niks of niemand hulle sal keer om 'n liplekker braai te geniet nie, nie eers die weer nie. Gelukkig lê heerlike sonskyndae nou voor en kan ons almal weer die braaivleisvure laat vlamvat. 'n Gesellige braai het mos lankal 'n lewenswyse geword.
Die geurige aroma van vleis wat oor 'n oop vuur gerooster word, ons uitspattige somersdae en die gasvrye, gesellige aard van die Suid-Afrikaners maak van braai een van die grootste buitelugplesiere wat deur alle kulture in ons pragtige land geniet word.
Van Rensburgs Foods se Buitelug Braai-produkte kan net verder bydra tot die sukses van daardie perfekte braaivleis. Die smaaklike plaaslike reeks braaiprodukte is omvattend, om die minste te sê en die gehalte van die vleis is uitstaande. Die Buitelug Braai-handelsmerk sluit die volgende in:
- 'n Verskeidenheid lam-, skaap- of vark-tjops
- Sappige verouderde steak. Die Pork Rump-steak ('n redelike nuwe toevoeging) is besonder geurig en word beslis aanbeveel.
- Smaaklike varknek- en Texan steaks - 'n gewilde keuse onder bestaande klante.
- Ribbetjies: winddroog, gemarineer of ge-rook - 'n moet op elke braaibord
- 'n Uitgebreide reeks eiesoortige tuisgemaakte worse – van bloukaas-en-groenvye tot mango-en-blatjang
- Kleiner braaihappies soos Cherry Delights
- Spatchcock-hoenders en peri-peri-hoen-dervlerkies
- Handige twee- of viermanbraaipakke
Volgens die kenners by Van Rensburgs moet mens ook op die volgende let:
Hulle sê eintlik is 'n braai net so goed soos die gehalte van die vleis wat gebraai word en as dit waar is, hoef jy nooit weer 'n onsuksesvolle braaivleis te hê nie, want Van Rensburgs Foods bied jou daardie gehalte-versekering.
'n Goeie vuur en lekker kole dra ook by tot die sukses van 'n braai en verder moet daar gelet word op die orde waarin die vleis gebraai word om te verseker dat al die vleis min of meer op dieselfde tyd gereed sal wees.
Skink dan 'n glasie wyn en geniet hierdie somer 'n heerlike, gesellige kuier om die vuur met jou mense.
Weet ook dat jy net by Van Rensburgs Foods moet inloer om alles te bekom om daardie kuier in 'n ongelooflike herinnering te omskep.
En onthou om dankbaar te wees – 'n liplekker braai in die Suid-Kaap – jy kan nie vir beter vra nie!
'Ons bring jou die nuutste George, Tuinroete nuus'
