GEORGE NUUS & VIDEO - Die AGS-gemeente van Pacaltsdorp het Saterdag 'n nuwe beradingsdiens, Grace and Royal Ministry, amptelik bekendgestel.
Dit is gemik op vroue en kinders wat slagoffers van geweld is, asook kinders wat met dwelmverslawing sukkel.
Verskeie gassprekers het by die geleentheid opgetree. Die hoofspreker, polisiegebiedsbevelvoerder vir Eden, maj.-genl. Oswald Reddy, het gesê die projek is in lyn met die SAPD se slagofferbemagtigingsprogram.
Hy het die hoop uitgespreek dat die lekeberaders wat onder die sambreel van Grace and Royal Ministry opgelei word, ook beskikbaar sal wees om slagoffers van geweld by die polisie se slagofferberadingskamers by te staan.
Reddy het vroue en kinders aangemoedig om hul stemme te laat hoor as hulle aan geweld onderwerp word, en om hulp te soek.
Kyk na 'n video hieronder:
Nadia Jason lewer 'n dansitem.
ARTIKEL, VIDEO & FOTO'S: ALIDA DE BEER, GEORGE HERALD-JOERNALIS
'Ons bring jou die nuutste George, Tuinroete nuus'
