GEORGE NUUS - Die Tuiniqua-dienssentrum se algemene jaarvergadering op 30 September was 'n betekenisvolle geleentheid waarop nuwe leiers verwelkom en jarelange diens gevier is.
Tydens die vergadering is die nuutverkose bestuursraad en inwonerskomitee bekendgestel. Opregte dank is betuig aan die uittredende lede vir hul toegewyde diens, terwyl gelukwense uitgespreek is aan dié wat nou in leiersposisies dien.
Ds. Johan van der Merwe, een van Tuiniqua se stigterslede, het die verrigtinge geopen. Hy het met woorde van inspirasie en nadenke die toon vir die aand aangegee.
Tobie Nortje en Deon Fourie het onderskeidelik die jaarverslag en finansiële verslag voorgelê en bevestig dat Tuiniqua se finansies gesond en stabiel bly ten spyte van breër ekonomiese uitdagings.
Hierdie jaar se AJV het ’n spesiale betekenis gehad: Feedem het die verversings ruim geborg ter viering van hul 50ste bestaansjaar, terwyl Tuiniqua self sy 40 jaar mylpaal gevier het.
Tuiniqua se sentrumhoof, Alani Voigt, het dienssertifikate oorhandig aan personeel met 5 tot 25 jaar diens, en ’n spesiale huldeblyk is aan Patricia Pyl gebring vir haar merkwaardige 30 jaar se toegewyde diens.
Die aand is afgesluit met ’n opvoering deur die Tuiniqua-koor, wat hul volkslied met gevoel en dankbaarheid aan hul Hemelse Vader uitgevoer het - ’n gepaste afsluiting vir ’n gedenkwaardige viering van diens, toewyding en gemeenskap.
Die nuwe lede van die inwonerskomitee, van links: Marie van der Walt, Lilian Hurter, Maritz Stander, Peggy Visser, Coenie Ritter, Elna Stander en Hennie Fivaz. Afwesig Ron Atkins
Ninke Stanley (regs) ontvang 'n sertifikaat vir 5 jaar diens van Alani Voigt, TuiniDqua se hoof.
Die verrigtinge is mooi aangevul met 'n optrede deur Tuiniqua se koor.
‘Ons bring jou die nuutste Tuinroete, Hessequa, Karoo nuus’
