Translate to: 

Stalletjies vou sambrele toe

Stalletjies vou sambrele toe
Vakansiegangers staan nader vir 'n roomys by een van die stalletjies wat in Desember by Victoriabaai besigheid gedoen het.
GEORGE NUUS - 'n Roomysverkoper van Victoriabaai moes sy stalletjie toemaak op Nuwejaarsdag in opdrag van die munisipale wetstoepassingsafdeling.
 
Met voorraad van R30 000 vir die res van die seisoen beplan Randall Geduld om nou maar sy lekkernye met 'n fiets en klokkie in die strate te smous.
 
Geduld en twee ander verkopers het hul sambrele op Kersdag toegevou nadat wetstoepassingsbeamptes rooi kleefband om hul stalletjies gedraai het. Ofskoon die verkopers in vorige jare met sukses vir hierdie staanplek getender het, was daar vanjaar slegs 'n mondelingse ooreenkoms met die George-munisipaliteit en strek dit van maand tot maand.
 
Geduld is ongelukkig omdat verkopers in Heroldsbaai en Leentjiesklip blykbaar nie dieselfde behandel word nie. Hulle dryf steeds handel in eetgoed by hierdie strande.
 
"Ek het Kersdag ná wetstoepassing se besoek dadelik die burgemeester, Melvin Naik, gebel. Hy het gesê hy gaan kyk wat hy kan doen," het Geduld gesê.
 
"Die volgende dag het wetstoepassing laat weet ons kan maar weer staan, maar net tot Nuwejaar. Ons het nou opgepak, maar die ander ouens het nie kennis gekry nie."
 
Volgens Geduld het die bestuurder van die restaurant by Victoriabaai, Vikki's at the Beach, vir hulle opdraende gegee. Hy voer aan dat sy druk uitgeoefen het om hulle besigheid te stop. Die bestuurder, Michelle Calitz, het by navraag bevestig dat sy nie in beginsel ontevrede is met die stalletjies nie, maar met die manier waarop die hele storie hanteer is.
 
"Ek het R199 000 bestee op opknappingswerk en 'n roomysmasjien. As ek geweet het daar gaan roomys en tjips verkoop word, het ek nie hierdie uitgawes aangegaan nie," het Calitz gesê. Volgens Calitz het die George-munisipaliteit haar in Oktober die versekering gegee dat daar nie stalletjies gaan wees nie.
 
"My gevoel is indien daar stalletjies is, laat hulle ander goed verkoop as wat ons aanbied. Ons betaal baie huur dwarsdeur die jaar. Ons het maar slegs agt goeie dae in hierdie feestyd gehad. Dit gaan 'n moeilike winter wees."
 
George-munisipaliteit se kommentaar oor waarom 'n tender vir die staanplekke nie vanjaar geadverteer is nie, en waarom die ander stalletjies steeds hul eetgoed by Leentjiesklip en Heroldsbaai mag verkoop, word verwag.
 
ARTIKEL: MICHELLE PIENAAR, GEORGE HERALD-JOERNALIS 
 
'Ons bring jou die nuutste George, Tuinroete nuus'
08:15 (GMT+2), Thu, 05 January 2017
Your Comments...
 
Login or Register here.
*To REGISTER you will be directed to the registration page. Once you have completed the registration process, please return to this page.

Weather

Currencies

US Dollar
Pound Sterling
Euro
Australian Dollar
New Zealand Dollar
Canadian Dollar
UAE Dirham
Singapore Dollar
Chinese Yuan

Moon Cycle

CURRENT MOON

Horoscopes

Get your free daily horoscope + free daily forecast below.
Choose your zodiac sign:
  Aries    
March 21 - April 19
Libra    
September 23 - October 22
  Taurus    
April 20 - May 20
Scorpio    
October 23 - November 21
  Gemini    
May 21 - June 20
Sagittarius    
November 22 - December 21
  Cancer    
June 21 - July 22
Capricorn    
December 22 - January 19
  Leo    
July 23 - August 22
Aquarius    
January 20 - February 18
  Virgo    
August 23 - September 22
Pisces    
February 19 - March 20

Movie Trailers

A new chapter in the beloved 'Ring' horror franchise. A young woman becomes...
Belle (Emma Watson), a bright, beautiful and independent young woman, is...
Saban's Power Rangers follows five ordinary teens who must become something...
Emma le Roux is on her way home to the family farm in the Great Karoo....
Bodi (Luke Wilson), a wide-eyed Tibetan Mastiff, is expected to become the...

Games

Air hockey is one of everyone's favorite challenges! Represent your...
This is the most advanced edition of the popular online version of Pool...
In this Digital Domino Game all the rules are the same as the real game....
The classic mind-wracking math puzzle game is now online! With a brad new...
Voting Poll
Do you think you neighbourhood watch is effective in combating crime?
Yes
George Herald 79%
No
George Herald 8%
I don't think there is a neighbourhood watch in my area
George Herald 13%
Men
Women
Search
I'm a 50 year old man looking to meet women between the ages of 30 and 49.
I'm a 48 year old man looking to meet women between the ages of 34 and 45.