Tandarts Ian Venter pleit onskuldig

GEORGE NUUS - Plaaslike tandarts Ian Venter (44) het verlede Vrydag in die Thembalethu-streekhof onskuldig gepleit op klagtes van seksuele aanranding.

Venter word daarvan beskuldig dat hy gedurende die April-skoolvakansie verlede jaar 'n seun (toe 13 jaar) wat by sy huis in Heroldsbaai oorgeslaap het, betas het. Hy was onder huisarres tydens dié voorval.

In November 2014 is Venter tot vier jaar korrektiewe toesig gevonnis nadat hy skuldig bevind is op 'n ander seksklag waarby 'n minderjarige seun betrokke was.

Die slagoffer het verlede Vrydag voor streeklanddros F Makhamandela in camera getuig. Die saak is tot 25 Julie uitgestel wanneer die verhoor voortgesit sal word.

Venter is in November 2014 skuldig bevind aan seks met 'n minderjarige seun. Dié voorval het in Desember 2011 in sy huis in Victoriabaai plaasgevind toe die tienerseun en sy suster, wie se ouers huisvriende van Venter was, oorgeslaap het.

Behalwe die streng huisarresvoorwaardes verbonde aan die vonnis, het die landdros het ook aanbeveel dat Venter met 'n elektroniese apparaat gemonitor word.

Hankie Marx verskyn vir die staat. Venter word deur John Gillespie verteenwoordig.

IN SHORT

* Local dentist Ian Venter (44) pleaded not guilty to a charge of sexual assault in the Thembalethu Regional Court last Thursday. The case was postponed to 25 July when the trial will continue. The victim in this case testified on Friday. It is alleged that Venter sexually assaulted a teenage boy (then 13) at his home in Herold's Bay during a sleepover in April 2015. He was under house arrest during the time of this incident. Venter was found guilty of having sex with a minor following an incident in December 2011 while living in Victoria Bay. He was sentenced to four years' correctional supervision in November 2014 for this offence.

Klik hier vir vorige artikels: