NSP is verlede jaar onder sakeredding geplaas nadat die mikrolener, Bridge Finance in die moeilikheid beland het. Meer as R60-miljoen van NSP se beleggers se geld is in Bridge belê.
Volgens sakeredingspraktisyn, Koos van Rensburg is ‘n verdere 9 verwante maatskappye intussen ook onder sakeredding geplaas. Van Rensburg wil dié maatskappye ook laat likwideer omdat beleggers se geld wat in die 9 maatskappye belê is volgens hom ‘nie-presterende beleggings’ is.
In ‘n omsendbrief aan krediteure wat vanoggend (Maandag 9 November) uitgestuur is sê Van Rensburg dié beleggings moet dringend deur ‘n likwidateur ondersoek word tot krediteure se voordeel. “….in ‘n poging om u kapitaal te verhaal van maatskappye en individue wat onregmatig uit u kapitaal voordeel getrek het en nog steeds trek. Hierdie is ‘n gespesialiseerde proses en is ‘n likwidateur die beste toegerus hiervoor.”
Hy het egter in die brief bevestig dat hy in gesprekke is om die dispuut te besleg en dat daar na ‘n alternatief vir likwidasie gekyk word.
Intussen het die voorsitter van die krediteure komitee, Chalie Breedt in ‘n e-pos aan mede-krediteure gesê hulle gaan van die regskoste wat Van Rensburg reeds ontvang het en wat sedert verlede September al meer as R1,7-miljoen beloop, by Van Rensburg verhaal.
Lees meer in Donderdag se George Herald asook aanlyn.
Klik hier vir vorige artikels:
- Niflas liquidation battle heats up
- Liquidation application in court next week
- Niflas Silhouette to fight liquidation
- Niflas Silhouette to be liquidated
ARTIKEL: ILSE SCHOONRAAD, GEORGE HERALD - REDAKTEUR
'Ons bring jou die nuutste George, Tuinroete nuus'
