GEORGE NUUSFLITS - Die massapatrollie, bestaande uit buurtwagte van George, verkeersbeamptes en Afriforum-lede, het om 19:30 vanaand, 2 Oktober, van Checkers af in Yorkstraat vertrek om 'n roete gesamentlik deur die dorp te ry.
Kort voor hul vertrek het kaptein, Louis Boshof, die groep van 60 lede instruksies oor die gesamentlike misdaadbekampingsoptrede gegee.
Die groep het onderneem om elk 'n verslag ná afloop van die patrollie in te dien en die polisie se hulp in te roep vir enige voorvalle wat moontlik kan plaasvind.
Buurtwag verteenwoordigers en George Munisipaliteit se verkeerswetstoepassers sowel as Afriforum gesels met Kapt Louis Boshoff (tweede van regs) in die parkeergronde van die Checkersgronde in Yorkstraat voordat hulle vertrek om die dorp te patrolleer om gesamentlik die misdaad te bekamp en vir die onderskeie groepe om mekaar beter te leer ken sowel as om die skollies bewus te maak van die burgers se vasberadenheid om 'n normale samelewing te kan handhaaf. Die sekuriteitsmaatskappye het ook onderneem om deel te neem aan die aksie. Foto: Pauline Lourens.
Lees meer hieroor in Donderdag se George Herald, asook aanlyn.
'Ons bring jou die nuutste George, Tuinroete nuus'
