Eric Francis (38) en 'n familielid het pas by sy huis in Wentzelstraat, George-Suid stilgehou toe hy die eerste keer op die stoep val. Hy het 'n kopwond opgedoen en binne die huis op die bed gaan lê terwyl hulle op 'n dokter gewag het. Francis het opgestaan om badkamer toe te gaan en toe weer geval.
ER24-paramedici was ontbied, maar Francis was reeds dood met hul aankoms op die toneel.
Francis is op 17 April 2014 twee keer in die bors geskiet, 'n skoot wat sy hart met 2cm gemis het, nadat hy in Hoopstraat agter die George-tronk deur twee onbekende mans in die pad voorgekeer is.
Hy het daarna na sy huis in Wentzelstraat, George-Suid gery waar 'n buurvrou hom bebloed op die sypaadjie voor sy huis aangetref en die nooddienste geskakel het.
Verwante artikels:
• Man deur motorvoorruit geskiet
Die beskadigde voorruit van Francis se motor na die skietvoorval.
ARTIKEL: LIZETTE DA SILVA, GEORGE HERALD-NUUSREDAKTEUR.
'Ons bring jou die nuutste George, Tuinroete nuus'
