GEORGE NUUS - "Hy is 'n sterk, fikse en gesonde jong man, ons glo hy gaan hier opstaan en weer loop."
Só het Chanel Supra, die verloofde van 'n belowende jong rugbyspeler wat Saterdag vir die SWD Arende-vyftiental teen Evergreens uitgedraf het en nou verlam is, gister aan die George Herald gesê.
Die Pretorianer Heinrich Ollie Terblanche (24), wat stut gespeel het, het sy nekwerwels by C6/C7 gebreek in die 55ste minuut van die voorwedstryd van die Stormers/SWD Arende botsing op 'n volgepakte Outeniquapark.
'n Mediese span was onmiddellik op die veld om hom te stabiliseer waarna hy deur ER24 na Mediclinic George gehaas is.
Hy het kort na sy aankoms 'n operasie aan sy nek ondergaan om die breuk te heg en is intussen oorgeplaas na die Vincent Palotti-hospitaal in Kaapstad waar hy Dinsdag 'n tweede operasie aan sy nek ondergaan het.
Sy sê Terblanche, wat glad nie sy bene kan beweeg nie, ervaar tans baie pyn weens die operasies en sal vir 'n tyd lank in Kaapstad aanbly vir verdere behandeling en rehabilitasie.
Die diep gelowige jong man het vanjaar na George verhuis om nader aan Supra te wees. Sy het sopas by George-Suid begin skool hou en die paartjie het verlede maand verloof geraak.
Innis Erasmus, die Arende se mediese bestuurder en fisioterapeut het gister (Woensdag) aan die George Herald gesê Terblanche se besering is die ergste wat hy in sy loopbaan van 14 jaar gesien het. "Hy sal nie weer kan rugby speel nie, maar ons glo en vertrou dat hy eendag weer sal loop."
Intussen is Terblanche ook by die Chris Burger-fonds geregistreer. Die doel van die fonds is om enige rugbyspeler se familie finansieel by te staan sou hy ernstig beseer word of op die veld sterf.
Johann Prinsloo, SWD se hoofuitvoerende beampte, die bestuur, personeel en spelers het Terblanche 'n spoedige en volkome herstel toegewens en die publiek aangemoedig om die familie tydens die moeilike tyd te ondersteun.
FOR OUR ENGLISH READERS
"He is a strong, fit and healthy young man. We believe he will get up and walk again," Chanel Supra, the fiancée of a promising rugby player who was paralysed in Saturday's pre-match at Outeniqua Park Stadium, told the George Herald yesterday (Wednesday).
Heinrich Ollie Terblanche (24), who played for the SWD Eagles invitational team, fractured his neck at C6/C7 when the scrum collapsed in the 55th minute of the match between the Eagles XV and Evergreens RFC. The match took place before the main game between the Stormers and the SWD Eagles.
Terblanche, who played prop, is paralysed from the waist down and has since undergone two neck surgeries. He is recuperating in the Vincent Palotti Hospital in Cape Town.
A medical team immediately stabilised him on the field and ER24 rushed him to Mediclinic George. He underwent surgery shortly after his arrival and was transferred to the Vincent Palotti Hospital where he underwent a second operation on Tuesday. Terblanche's mother and Supra are at his side.
Supra says the accident is a great shock, but "we believe and trust that God will heal him and that he will walk again, even though the doctors are not optimistic". She said Terblanche, who cannot move his legs, is in pain and that he will have to stay in Cape Town for a long time for treatment and rehabilitation.
The deeply religious young man has only just moved to George to be nearer his fiancée, who is a newly appointed teacher at George South Primary School. The couple got engaged last month.
Innis Erasmus, Eagles medical manager and physiotherapist, told the George Herald that Terblanche's injury is the worst he has seen in his 14-year career. "He will never play rugby again, but we trust that he will walk again."
Meanwhile, Terblanche has been registered with the Chris Burger Fund that lends financial support to an injured rugby player's family. SWD CEO Johann Prinsloo, the management, staff and players wished Terblanche a speedy and complete recovery and encouraged the public to lend the family support.
Heinrich Ollie Terblanche (24), wat stut gespeel het, het sy nekwerwels by C6/C7 gebreek in die 55ste minuut van die voorwedstryd van die Stormers/SWD Arende botsing op 'n volgepakte Outeniquapark
ARTIKEL: LIZETTE DA SILVA, GEORGE HERALD-JOERNALIS
'Ons bring jou die nuutste George, Tuinroete nuus'
