Rugbyklub kla oor onsportiewe gedrag

GEORGE NUUSFLITS - Die George-rugbyklub het 'n formele klag teen Groot-Brakrivier-rugbyklub ingedien ná beweerde onsportiewe gedrag deur hul ondersteuners.

Stephan de Swardt, voorsitter van die George-rugbyklub het in 'n skrywe aan die hoof-uitvoerende beampte van die SWD-rugbyvoetbalunie (SWDRVU), Hennie Baartman kennis gegee dat George-rugbyklub die klag indien ná 'n omstrede wedstryd tussen George en Groot-Brakrivier op Saterdag 14 April.

Die skeidsregter van die wedstryd word ook deur die George-rugbyklub aangekla oor sy hantering van die betrokke wedstryd.

In De Swardt se skrywe aan die SWDRVU beweer hy dat een van George se spelers blatant deur 'n opponent met die vuis geslaan is voor die lynregter. Toe die skeidsregter die Groot-Brakrivier-speler met 'n rooikaart van die veld gestuur het, het die toeskouers die lynregter wat die insident uitgewys het asook die George-reserwebank met bierbottels gegooi.

Lees die volledige berig in môre se George Herald, asook aanlyn.


Your Comments
Back to Top

Copyright 2017 Group Editors Co PTY Ltd t/a George Herald