George-tennisspelers vaar goed in Eden-toernooi

GEORGE NUUS - Jong tennisspelers vanuit die Eden-distrik het verlede naweek kragte gemeet tydens die Eden Tecnifibre Mini 5-toernooi.

Die toernooi het van 6 tot 7 September op verskeie bane regoor George plaasgevind. Dit is aangebied deur Eden Junior tennis, namens Tennis SA, met Lizelle Fourie as orvaniseerder.

Altesaam 81 spelers vanuit die Eden-distrik, sowel as Kaapstad, Pretoria en Gqeberha het deelgeneem.

Die toernooi sou aanvanklik oor drie dae strek, maar weens die reënweer op die laaste dag is al die eindstryde na Saterdag 7 September verskuif.

Spelers het nietemin waardevolle ervaring opgedoen en het voluit gespeel.

Resultate van Georgiete wat uitstekend gevaar het is as volg:

Enkels:

Rainbow Kids-naaswenner: Juan Kruger (Laerskool George-Suid)
o. 12 meisies-wenner: Mienke Koegelenberg (Laerskool George-Suid)
o.12 meisies-naaswenner: Leah Kruger (Laerskool George-Suid)

Dubbels:

o. 12-wenners: Mienke Koegelenberg en Tatum Hobson (Glenwood House)
o. 16-naaswenners: Suane Koegelenberg (Hoërskool Outeniqua) en Bridget Fero (Tuisonderig)

Naaswenners van die o. 16-dubbels is Bridget Fero en Suane Koegelenberg.