ATLETIEK NUUS - Talle rekords het geval tydens die Kwagga Top-10-atletiekbyeenkoms by Hoërskool Outeniqua met laerskoolatlete wat 48 rekords gebreek het en 108 rekords deur hoërskoolatlete.

Die Kwaggas se hoof van atletiek, Jacques Wolfaardt, sê die positiewe gees wat onder die skole geheers het was fantasties en alles is in 'n goeie gees afgehandel.

Meer as 1 700 atlete het oor die twee dae deelgeneem. Die Vrydag het laerskoolatlete by Hoërskool Outeniqua kompeteer en die Saterdag was die hoërskoolatlete by die De Jager-sportkompleks in Oudtshoorn.

Sommige atlete se prestasies wat Wolfaard uitgesonder het is die van broer en suster, Jaden en Nianke Fourie, wat uitstekend in die verspring gedoen het.

Nianke van Laerskool Hartenbos het 5.03 m in die o. 11-ouderdoms-groep gespring. "Sy is steeds o. 10 en het reeds verder as die o. 11 SA rekord van 4.97 m gespring. Met die afstand van 5.03 m is sy slegs 6 cm weg van die wêreldrekord van 5.09 m," sê Wolfaardt. 

Jaden van Hoërskool Outeniqua het die SA rekord vir seuns o. 15-verspring gebreek met 'n sprong van 7.28 m.

Onder die hoërskoolseuns was daar vier seuns wat volpunte gekry het en gesamentlik as die seunsatlete van die byeenkoms gekies is.

Hulle is Jaden Fourie (Hoërskool Outeniqua), Zaun Marthinus (Stellenbosch), Zeke Finck (Paarl Gimnasium) en Lincoln Kunneke (Hoërskool Framesby).

Lincoln Kunneke van Hoërskool Framesby is as die o. 15 sowel as een van die vier seunsatlete van die byeenkoms erken vir sy hamergooipoging van 63.37 m wat die rekord van 60.11 m verbeter het.

Trofeewenners van die byeenkoms:

Laerskole

Dogters 11 jaar: Nianke Fourie (verspring - 5.03 m Laerskool Hartenbos)

Dogters 12 jaar: Nikeate Arries (75 m-hekkies - 11.45 Laerskool Swellendam)

Dogters 13 jaar: Karlien Oelofse (gewigstoot - 12.83 m Laerskool Outeniqua)

Seuns 11 jaar: Liam Kriek (70 m - hekkies - 10.72 Seuns Primêr Paarl)

Seuns 12 jaar: Rudi Coetzee (75 m - hekkies - 11.28 Seuns Primêr Paarl)

Seuns 13 jaar: Jeno Jacobs (200 m - 22.44 RAMA-klub)

Beste dogtersatleet: Nianke Fourie Laerskool Hartenbos

Beste seunsatleet: Jeno Jacobs (RAMA-klub)

Beste klein laerskool: Laerskool Swellendam

Beste klubspan: RAMA-klub

Beste groot laerskool: Laerskool Park

Hoërskole

Dogters 14 jaar: Ilke Stockigt (90 m hekkies - 13.58 Bloemhof)

Dogters 15 jaar: Enya Binneman (400 m- 56.06 La Rochelle)

Dogters 16 jaar: Mila Ueckermann (diskus - 47.81 Paarl Vallei)

Dogters 17 jaar: Nicole Barnard (spiesgooi - 50.44 m Outeniqua)

Seuns 14 jaar: Zeke Finck (verspring - 6.75 m Paarl Gim)

Seuns 15 jaar: Lincoln Kunneke (hamergooi - 63.37 m Framesby); Jaden Fourie (verspring - 7.28 m Outeniqua); Zaun Marthinus (gewigstoot - 19.1 m en diskus - 71.85 m Stellenbosch)

Seuns 16 jaar: Walter van Rensburg (gewigstoot - 18.62 m Outeniqua)

Seuns 17 jaar: Marko Ferreira (200 m - 20.77 Daniël Pienaar)

Beste dogtersatleet: Mila Ueckermann (Parel Vallei)

Beste dogtersatleet: Mila Ueckermann (Parel Vallei)

Beste seunsatleet: Lincoln Kunneke (Framesby); Jaden Fourie (Outeniqua); Zaun Marthinus (Stellenbosch); Zeke Finck (Paarl Gim)

Beste klein hoërskool: Hoërskool Jan van Riebeeck en Hoërskool Robertson

Beste seunsspan: Hoërskool Stellenbosch

Beste dogterspan: Hoërskool La Rochelle

Beste groot hoërskool: Hoërskool Outeniqua

Bella du Plessis van Laerskool George-Suid seil oor 'n hekkie tydens die Kwagga Top-10-atletiekbyeenkoms.

George-atlete wat rekords gebreek het is as volg: 

Hoërskool

Laerskool

‘Ons bring jou die nuutste Tuinroete, Hessequa, Karoo nuus’