Reën demp nie Palm Tyre se glans

Gallery

GEORGE NUUS - Nie eens swaar reën of die afwesigheid van twee van Atletiek SWD se uitblinkers kon Saterdag die geesdrif by die 29ste Palm Tyre-padwedlope kelder nie.

Waar die George-opgaardam se vlak al benoud laag is, het hardlopers die vroegoggend buie verwelkom - en met dieselfde ywer die nat strate aangedurf.

Hoewel Lloyd Bosman (Nedbank) elders in aksie was - hy het in Gqeberha deelgeneem - en sy klubmaat Melissa van Rensburg steeds van ’n besering herstel, het sowat 400 entoesiastiese atlete opgedaag om hul uithouvermoë in uitdagende omstandighede te toets.

Palm Tyres se wiele het glad gerol en wéér bewys waarom dié padwedloop een van die streek se gewildstes bly.

Halfmarathon: Maboza maak dit syne

Bruce Maboza (Nedbank) het van die eerste kilometer af die pas aangegee en nooit teruggekyk nie. Hy het die 21,1 km-roete in ’n indrukwekkende 1:13:30 voltooi om eerste oor die eindstreep te draf.

Sy klubmaat Luciano Squire het sterk gevolg en tweede geëindig in 1:17:06, met Outeniqua Harriers se Jerome Ferland kort op sy hakke in 1:17:22 vir die derde plek.

By die vroue het Neridda Lubbe (Nedbank) se konstante tempo en koel kop haar tot die halfmarathontitel in 1:34:30 gedra.

Die Knysna-atleet Nikki Walter het net vier sekondes later oor die streep geglip (1:34:34), terwyl Cherice Carreira (Boxer) die derde plek in 1:37:10 ingeneem het.

10 km: Koopman en Etsebeth steel die skou

In die 10 km-wedloop was daar geen keer aan Austin Koopman (Rainbow) nie, wat in 32:34 ’n oortuigende oorwinning behaal het. Hanli Etsebeth (Boxer) was op haar beurt die vinnigste vrou en het in 38:59 ’n puik prestasie gelewer.

Die uitslae is:

Nee, ons gee nie oor nie. Ons is op pad na die eindstreep, sê André en Joanie Calitz.

21.1 km

Mans ope

1. Bruce Maboza (Nedbank)1:13:30.

2. Luciano Squire (Nedbank)1:17:06.

3. Jerome Ferland (Outeniqua Harriers) 1:17:22.

Vroue ope

1. Neridda Lubbe (Nedbank) 1:34:30.

2. Nikki Walter (Knysna)1:34:34.

3. Cherice Carreira (Boxer)1:37:10.

Junior mans

1. Luciano Squire (Nedbank)1:17:06.

Mansveterane

1. Willard Jussah (Outeniqua Harriers) 1:17:23.

Vroueveterane

1. Neridda Lubbe (Nedbank) 1:34:30.

Mans meesters

1. Marlon Mortlock (Knysna) 1:31:21.

Vroue meesters

1. Julie Walker (Outeniqua Harriers) 2:07:48.

Mans grootmeester

1. Anton Chevalier (Langeberg)1:41:53.

Vroue grootmeester

1. Annatjie Botes (Nedbank)1:49:30.

Mans grootgrootmeester

1. Maxwell Zeelie (Outeniqua Harriers) 2:15:24.

Vroue grootgrootmeester

1. Mariet Horn (Knysna) 2:11:27.

10 km

Mans ope

1. Austin Koopman (Rainbow) 32:34.

2. Valentino Loggenberg (Rainbow) 33:45.

3. Wayne April (Nedbank) 33:56.

Vroue ope

1. Hanli Etsebeth (Boxer) 38:59.

2. Tanielle Newman (Temp) 42:19.

3. Karli Lotter (Outeniqua Harriers) 42:24.

Junior mans

1. Valentino Loggenberg (Rainbow) 33:45.

Junior vroue

1. Karli Lotter (Outeniqua Harriers) 42:24.

Mansveterane

1. Jan Meyer (Cape Multi Sport) 40:10.

Vroueveterane

1. Jeanetta van den Berg (Outeniqua Harriers) 42:45.

Mansmeesters

1. Mauritz Janse van Rensburg (Outeniqua Harriers) 44:36.

Vrouemeesters

1. Belinda Smit (Nedbank) 1:10:42.

Mans grootmeester

1. Samuel Windvogel (Outeniqua Harriers) 51:14.

Vroue grootmeester

1. Dalene Sonnekus (Nedbank) 47:14.

Mans grootgrootmeester

1. Manie Steenkamp (Nedbank) 51:08.

Vroue grootgrootmeester

1. Sandra du Toit (Nedbank) 1:19:48.

Vroue groot groot grootmeester

1.Geraldine Loftie-Eaton (Nedbank) 1:31:09.Waarskynlik die natste waterpunt by die Palm Tyres-padwedlope Saterdag was in Ericastraat waar Ters Giliomee en sy Top Gear-span die punt benat het.