GEORGE NUUS - Die Nedbank SWD-atlete Ettienne Plaatjies (31:44) en juniors Godwin Heyns (33:14) en Auschten October (33:20) het die ope-mans afdeling tydens Eden Xpereince Run with the Stars-padwedloop Vrydagaand by Glenwood House onder uitdagende omstandighede ingepalm.
Die ope-afdeling vir vroue is ook deur die Nedbank SWD-atlete, Melissa van Rensburg (39:44), Cecilia Nel (42:23) en die meester Annatjie Botes (44:13) oorheers.
Die deelnemers verdien alle eer vir die wyse waarop hulle die sopnat omstandighede gepak het by die unieke geleentheid wat deur George Herald in samewerking met Oakhurst Insurance geborg is.
Dit vat atlete met staal in hul pype en 'n passie vir hul sport om hul beste te lewer in sulke omstandighede.
Die program vir Saterdag moes uitgestel word tot Saterdag 22 Oktober weens die deurdringende reën.
Die 3 km-pretdraf is deur die 15-jarige Deswin Gertse, leerder by Van Kervel, wat in die kleure van Nedbank SWD deelneem gewen. Sy spanmaat, Eddie Mouton, was tweede oor die wenstreep.
In die vroue-afdeling is die 13-jarige Jenna Borrett, gr. 7-leerder by Glenwood House, eerste oor die wenstreep. Borrett was ook algeheel derde in die 3 km-pretdraf.
- Ope-mans: 1 Ettienne Plaatjies (31:44); 2 Godwin Heyns (33:14); 3 Auschten October (33:20) (almal van Nedbank SWD).
- Junior: 1 Godwin Heyns (33:14); 2 Auschten October (33:20) (albei Nedbank SWD).
- Veterane: 1 Principal Fana (36:24); 2 Mauritz Janse van Rensburg (38:34) (albei Outeniqua Harriers).
- Meesters: 1 Peter Jaehne, Outeniqua Harriers (39:41); 2 Anton Chevalier, Nedbank SWD (42:17).
- Grootmeester: 1 Jan du Toit, Hartenbos Drawwers (47:55); 2 Robbie Joubert, CMS EDEN (54:47).
- Stappers: 1 Bradley Carelse (51:50); Antonio Farmer (1:00.08) (albei Nedbank SWD).
- Ope-vroue: 1 Melissa van Rensburg (39:44); 2 Cecilia Nel (42:23); Annatjie Botes (44:13) (albei Nedbank SWD).
- Veterane: 1 Marilize de Bruin (54:32); Chantelle de Bruin (55:57) (albei Nedbank SWD).
- Meesters: 1 Annatjie Botes, Nedbank SWD (44:13); 2 Evette Joubert, CMS EDEN (54:52).
- Grootmeesters: 1 Mariette de Haan, Nedbank SWD (57:09); 2 Jane Mouton, CMS EDEN (1:15.04).
- Stappers: Sinead Hattingh, Nedbank SWD (1:19.13).
Melissa van Rensburg en Cecilia Nel wat die eerste twee plekke in die vroue-afdeling ingeneem het.
ARTIKEL: ANDRé STANDER
'Ons bring jou die nuutste George, Tuinroete nuus'
