Bekendes oorheers padwedlope

GEORGE NUUS - Dis maar weer die bekendes wat Saterdag die gewilde Palm Tyres-padwedlope oorheers het, maar een of twee nuwe gesigte het darem onder die wenners opgeduik.

En 'n oudinwoner het weereens in die stapnommer uitgeblink.

Elfonzo Pieterse - en nie Lloyd Bosman nie - het die manshalfmarathon oor 21,1 km gewen met Melissa van Rensburg, albei van die Nedbank-klub, wat in die vrouewedloop eerste oor die wenstreep was.

Dullon Solomons, ook van Nedbank, en Jacquie van der Waals - in 'n tydelike nommer - was weer die kategoriewenners in die 10 km.

En die oud-Kwagga Anél Oosthuizen, wat in die kleure van die Universiteit van Johannesburg deelgeneem het, het in die 10 km-stap onder haar teenstanders uitgeseil.

Die wedlope, wat deur Grashoppers Outeniqua Harriers aangebied is, het altesame 227 atlete gelok.

Die kategoriewenners is:

Halfmarathon (21,1 km): Junior mans: Godwin Heyns (1:23.15) Mosselbaai Harriers.
Ope mans: 1. Elfonzo Pieterse (1:18.32), 2. Lloyd Bosman (1:18.33) albei Nedbank SWD, 3. Godwin Heyns (1:23.15) Mosselbaai Harriers.
Veteraan: Anton Chevalier (1:27.29) Nedbank SWD.
Meester: Sydney Landsberg (1:28.25) Nedbank SWD.
Grootmeester: Dave Edge (1:55.41) Sedgefield Striders.
Ope vroue: 1. Melissa van Rensburg (1:30.40) Nedbank SWD, 2. Nancy Cloete (1:32.33) Outeniqua Harriers, 3. Elana Buckley (1:45.59) Nedbank SWD.
Veterane: Aneen Koch (1:47.31) KWAY VOB.
Meester: Marie Wolmarans (1:48.26) Nedbank SWD.
10 km (junior mans): Dullon Solomons (33:38) Nedbank SWD.
Ope mans: 1. Charles Nel (33:05) Tuks, 2. Julius Korkee (33:35) Mosselbaai Harriers, 3. Dullon Solomons (33:38) Nedbank SWD.
Veterane mans: Marlon Mortlock (38:29) Knysna-marathonklub.
Meester mans: Jannie Nieuwenhuys (40:48) Tydelik.
Grootmeester: Jan du Toit (47:18) Hartenbos Drawwers.
Junior vroue: Macnita Samuels (47:13) Knysna-marathonklub.
Ope vroue: 1. Jacquie van der Waals (39:51) Tydelik, 2. Elmarie Coetzee (40:59) NBMC, 3. Sanet Brits (43:06) Nedbank SWD.

Veterane: