TOERISME NUUS - Inwoners en liefhebbers van Wilderness het minder as 24 uur oor om vir die pragtige kusdorp te stem en te verseker dat een van die juwele van die Tuinroete gekroon word as Suid-Afrika se Dorp van die Jaar 2025.
Om hierdie gesogte toekenning te wen, sal aansienlike blootstelling en belegging na die streek bring.
Dit sluit in R1 miljoen in advertensies en promosies op kykNET, asook ’n R1 miljoen kontantprys van Lotto Land.
Die kontantprys sal aangewend word vir die herstel van die Wilderness Boardwalk - ’n ikoniese paadjie wat daagliks deur inwoners en besoekers gebruik en geniet word.
Alle Suid-Afrikaners word gevra om vir Wilderness te stem voor die stemming 12:00 môre, Vrydag, 18 Julie sluit.
Om jou stem uit te bring, SMS die woord "Wilderness" na 33157, tot soveel as 30 keer. Elke SMS kos R1,50.
Wilderness is een van die mooiste kusdorpe in die wêreld.
Wen met George Toerisme
George-munisipaliteit sê almal wat gestem het vir Wilderness kan ook wen!
Nadat jy gestem het, neem bloot ’n skermgreep en dien jou bewys in via Facebook Messenger.
Sien die George Toerisme Facebook-bladsy vir besonderhede of deur die aanlynvorm hier te voltooi.
Kom ons staan saam en maak Wilderness 'n wenner!
‘We bring you the latest Garden Route, Hessequa, Karoo news’
