NASIONALE NUUS - Die N2 tussen Stilbaai en Albertinia is gesluit vir verkeer nadat brande op verskeie plekke in die Hessequa-streek uitgebreek het. Dit brand tans op Stilbaai, asook buite Riversdal, Heidelberg, Slangrivier en Albertinia.
Die Stilbaai-pad (R305) is ook gesluit.
Ekstra lugbystand is ingeroep.
Suid-Kaap Forum was vanmiddag op die toneel waar erge rook en as, sig belemmer. Boere probeer om hul grond te beskerm, maar die geweldige hitte en wind bemoeilik hul pogings.
Susan Geldenhuys (mediawoordvoerder: Hessequa Munisipaliteit) noem dat twee huise vandag afgebrand het in die Klipfontein-omgewing en is daar oorweldigende rook in die gebied.
"Die vuur word deurlopend gemonitor en brandbestryders werk steeds in skofte."
Daar is ook kragonderbrekings in Albertinia, Stilbaai, Jongensfontein en Riversdal-omgewing.
Klik hier vir vorige artikels:
- Stilbaai-brand nog lank nie verby
- Veldbrand woed steeds voort
- Stilbaai-brand stoomroller voort
- Brandweermanne benodig drinkwater
- Stilbaai-brande: Kode rooi verklaar
- Veldbrand vlam weer op
- Opvolg: Brande buite Stilbaai
- Veldbrande buite Stilbaai
ARTIKEL & FOTO'S: LOUISE MOUTON, SUID-KAAP FORUM-JOERNALIS
'Ons bring jou die nuutste Hessequa nuus'
