VERMAAKNUUS - Die klassieke verhaal Heidi, gebaseer op Johanna Spyri se wêreldbekende boek wat ook die gewilde animasiereeks van die 1980's geïnspireer het, kom hierdie Desember na die Markteater se verhoog.
Van 4 tot 20 Desember kan gehore uitsien na 13 opvoerings van Heidi in Afrikaans, deur Calindo Productions.
Heidi se ontdekkingsreis ontvou met al die geliefde karakters: haar dierbare oupa in die berge, die lojale Peter, die mense van Frankfurt en natuurlik die onvergeetlike Fräulein Rottenmeier.
Die komedie bly getrou aan die oorspronklike verhaal, terwyl dit op 'n vars manier met 'n paar hedendaagse temas verweef is.
Limare Human (14) vertolk die rol van Heidi, Henno Claasen (12) is Peter, en Bernadette Schaap (51), die streng maar ikoniese Juffrou Rottenmeier.
Regisseur Madie Calitz van Calindo Productions beskryf die ervaring so: "Om Heidi saam hierdie span te doen is nie net nostalgies nie, maar 'n absolute voorreg." Vir kaartjies en meer besonderhede besoek www.calindo.co.za. - Saamgestel deur Michelle Pienaar
Limare Human (14) as Heidi.
Henno Claasen (12) vertolk die rol van Peter.
‘Ons bring jou die nuutste Tuinroete, Hessequa, Karoo nuus’
