George Herald | Plaaslike Werkerslied opgeneem tydens glansgeleentheid

Translate to:


News	Classifieds	Directory

Entertainment News | Penveer | Submit Penveer | Download TV Guide

Plaaslike Werkerslied opgeneem tydens glansgeleentheid
07:00 (GMT+2), Thu, 16 August 2012

'n Plaaskoor se eerste optrede met Arbeidsbediening se pasgebore Werkerslied in die NG Kerk George-Suid. Greta Benadé dirigeer die koor en Innes Benadé en Lida de Villiers sing uit volle bors saam met die koor. Riana Crafford (2de van links) van die plaasbedieningsbeen van Arbeidsbediening, het die talentvolle koor saamgestel.

GEORGE NUUS - As gevolg van die groot belangstelling in Arbeidsbediening se Prestige Gala-geleentheid vir 2012 waartydens Justus Tsungu as spreker gaan optree, is die kaartjies feitlik almal uitverkoop.

Tydens die glansgeleentheid gaan die Werkerslied, wat sopas in George die lig gesien het, amptelik bekend gestel word. Daar word vermoed dat die lied nie net nasionaal as Arbeidsbediening se Werkerslied bekend gaan staan nie, maar dat dit gereeld in werksplekke gesing en oor die lug gehoor sal word, en wie weet, dalk ook mettertyd in die kerk se Liedboek opgeneem kan word.

Tydens Arbeidsbediening se 115de verjaardagviering op 15 April vanjaar het Greta Benadé, 'n bekende musiek- en liriekskrywer wie se eggenoot, ds. Innes Benadé, die personeellede van ondernemings elke weeksoggend met 'n Christelike boodskap bemoedig, die waarde ingesien vir die daarstelling van 'n lied spesiaal vir die mense in die markplek.
"Dit is 'n loflied waarin 'n gebed opgaan vir mense wat op alle terreine werk," sê Greta.

Intussen het sy nie net die musiek en die liriek vir die arbeidslied geskep nie, maar het 'n groepie plaasarbeiders in die Outeniqualand-omgewing 'n koor gevorm en die lied hul eie gemaak.

Sakeondernemings het hulle hande in hul sakke gesteek om professionele opname daarvan te maak.

Dit sal met die Gala-aand beskikbaar wees as bemarkingsmeganisme vir Arbeidsbedieningfondse. (Pietie le Roux)