George Herald | Opkikkers en dwelms onder loep

Translate to:


News	Classifieds	Directory

Opkikkers en dwelms onder loep
00:00 (GMT+2), Thu, 31 May 2012

Betrokkenes by die veldtog teen opkikkers in sport wat in die SWD aangebied is, is van links) Abrie de Swardt (voorsitter SWD Afrigtersvereniging), Christel Johannes (tesourier: SWDSR), Gary Naidoo en Rafiek Mammon (SA Institute for Drug-Free Sport), Dave van der Walt (SWDSR - organiseerder) en Desmond Speelman (vise-voorsitter:SWDSR).

SUID-KAAP NUUS - Die SWD-sportraad in samewerking met die SA Institute of Drug-Free Sport, het 'n baie suksesvolle werkswinkel aangebied om hierdie uitdaging van opkikkers en dwelms in sport aan te spreek.

Met die oog op die Londen 2012 Olimpiese Spele wat eersdaags begin, het hierdie saak weer onder die vergrootglas gekom. Die werkswinkel is onder die vaandel van die Riaan Loots-veldtog aangebied om veral die opkomende sportlui teen die euwels te waarsku.

Die kursusleiers, Rafiek Mammon en Gary Naidoo van die SA Institute for Drug-Free Sport, het 'n uitstekende en praktiese werks-winkel aangebied.

Feite wat na vore gekom het is onder andere:

Elke toets kos ongeveer R2 500 om te doen - daarom kan daar nie net lukraak getoets word nie;
Die meeste sportlui is onkundig oor wat nie gebruik mag word nie;
Dit geld ook vir baie aptekers wat nie weet watter middels op die verbode lys van WADA is nie;
Baie atlete besef ook nie die langtermyn gevolge van die gebruik van verbode middels in sport nie;
Daar is selfs baie ouers wat hulle kinders aanmoedig of voorsien van hierdie middels om beter te presteer.
Die SWD-sportraad beplan om weer opvolgkursusse te hou om die sportlui van die SWD beter in te lig oor die uitdaging.
Betrokkenes by die veldtog teen opkikkers in sport wat in die SWD aangebied is, is van links) Abrie de Swardt (voorsitter SWD Afrigtersvereniging), Christel Johannes (tesourier: SWDSR), Gary Naidoo en Rafiek Mammon (SA Institute for Drug-Free Sport), Dave van der Walt (SWDSR - organiseerder) en Desmond Speelman (vise-voorsitter:SWDSR).