George Herald | Pluimpie vir boere in minister se begrotingsrede

Translate to:


News	Classifieds	Directory

Pluimpie vir boere in minister se begrotingsrede
09:09 (GMT+2), Tue, 15 May 2012

LANDBOU NUUS - Minister van Arbeid, Mildred Oliphant het erkenning gegee aan die pogings van boere om die werksomstandighede van werkers te verbeter.

Die Minister het tydens haar begrotingsrede in die Parlement gesê dat dit vir haar tydens blitsinspeksies op plase duidelik geword dat boere die vereistes van arbeidswette wil nakom.

Tydens verskeie inspeksies, het dit duidelik geword dat baie boere wel meer as die minimum loon betaal en hulle werkers met integriteit behandel. Dit het weereens duidelik geword dat ‘n persoon se gesindheid ten opsigte van die arbeidsinspeksies en arbeidsinspekteurs wel ‘n verskil gemaak het.

Hier word spesifiek na die boer in Noordwes provinsie wat die Departement van Arbeid voorgekeer het en versoek het dat hulle ook ‘n inspeksie by hom doen. Alhoewel daar op 4 areas nie-nakoming was, is hy geloof vir sy optrede en gesindheid!

Die Minister het ook verwys na die ondertekening van IAO konvensies 81 en 129 wat handel oor arbeidsinspeksies. Agri SA was deel van die taakspan wat hiermee gehandel het in Nedlac en die Departement van Arbeid het net die ondertekening van konvensie 81 bespreek.

Die ondertekening van konvensie 81 word bespreek met enkele oorwegings van besigheid se kant af. Onder andere is daar in die kommentaar van besigheid genoem dat die Protokol vir toegang tot Plase nie onderhandelbaar is nie en dat toegangsbeheer altyd van toepassing moet wees tov arbeidsinspeksies.

Verskaf deur AgriSA.