George Herald | Bekende ekonoom by ontbyt vir sakevroue

Translate to:


News	Classifieds	Directory

Bekende ekonoom by ontbyt vir sakevroue
12:00 (GMT+2), Fri, 11 May 2012

Dawie Roodt

SUID-KAAP NUUS - Met prysstygings in petrol en elektrisiteit gaan Mei, net soos April, rof wees vir die verbruiker. Tog is die gemiddelde huishouding beter daaraan toe as ‘n jaar gelede.

Dit is die standpunt van Dawie Roodt, ekonoom en finansiele en politieke ontleder.

Sakevroue van die Suid-Kaap kry Woensdag 16 Mei tydens ‘n spesiale ontbyt vir vroue in sakeondernemings by die Hyatt Regency Oubaai Gholfoord & Spa naby George die geleentheid om te hoor hoekom Roodt hierdie standpunt handhaaf.

Roodt is die hoofekonoom by die Efficient Group in Pretoria en is deur die Hyatt Regency Oubaai Gholfoord & Spa, in samewerking met dinamiese sakevrou Mimi Finestone van Interface by Goji, genooi om die gasspreker te wees by die tweede spesiale ontbyt vir sakevroue wat hier aangebied word.

Roodt is die afgelope 20 jaar ‘n ekonomiese en politieke ontleder wat onder andere as ekonoom vir die Suid-Afrikaanse Reserwebank gewerk. Hy was ook ekonomiese redakteur van Finance Week, wat nou as Finweek bekend staan.

Hy gee Saterdagoggende op KykNET se Ontbytsake belangrike insigte oor die ekonomie wat sakelui in staat stel om wyse besluite te neem onder moeilike finansiele omstandighede.

Tydens die spesiale ontbyt gaan hy sy insigte in wereld- en plaaslike ekonomie met die sakevroue deel. Hy sal ook belangrike inligting oor sakegeleenthede uitlig.

“Dit is die eienaars van die Hyatt se passie om vroue in die sakewereld te bemagtig,” het Finestone gese.

“Dawie, met sy grondige kennis van die ekonomie, is die ideale persoon om vroue leiding te gee oor ekonomiese besluitneming.

“Sakevroue in die Suid-Kaap is werkskeppers wat honderde voorheen werklose vroue bemagtig word.”

Kaartjies vir die ontbyt is beskikbaar teen R140 per persoon, wat ‘n heerlike ontbyt en geskenkpakkie insluit. Die ontbyt begin om 07:30 vir 08:00 en duur tot 10:00.

Kontak Mimi Finestone by 084 583 3144 of vir bespreking of meer inligting.