George Herald | SWD-rugbyunie: Blanco nou boaan punteleer

Translate to:


News	Classifieds	Directory

SWD-rugbyunie: Blanco nou boaan punteleer
09:32 (GMT+2), Wed, 09 May 2012

SUID-KAAP NUUS - Blanco het Crusaders die afgelope naweek in 'n naelbytstryd met 21-16 geklop en so tot boaan die punteleer in die SWD-rugbyunie se Premierliga geskuif.

Hul tuiswedstryd die komende naweek teen George sal bepaal of die span, wat nog 'n ekstra wedstryd in hand het, die unie by die nasionale klubkampioenskappe later vanjaar verteenwoordig.

Hul drieë is gedruk deur Christo du Plessis, hul kaptein en no.7-flank, en Marshel Abrahams, no.6-flank. Alaine Jansen, die skrumskakel het een drie verdoel en 'n strafskop tussen die pale deurgesit. Daniël Robert, die losskakel het die ander twee strafskoppe met sy skopskoen oorgesit. Rodwill Williams, die no.13-senter is aangewys as speler van die wedstryd. Hulle tweede en derde spanne het ook hul wedstryde gewen.

Bridgton en Evergreens het op Oudtshoorn met 26-26 gelykop gespeel.

Progress het Uniondale United met 11-9 gewen en Groot-Brak vir Barbarians 18-12.

George het All Blacks het 40-18 geklop en Bonnievale United vir Silver Stars met 25-14.